Business
උත්සව සමයේ වැඩි මිලට බිත්තර අලෙවි කළ වෙළඳසැල් 700 කට එරෙහිව නඩු පැවරීමට කටයුතු කර ඇති බව පාරිභෝගික කටයුතු පිළිබඳ අධිකාරිය පවසනවා.
ඒ අනුව එහි සභාපති ශාන්ත නිරිඇල්ල සඳහන් කළේ, බිත්තර වැඩි මිලට අලෙවි කිරීම සම්බන්ධයෙන් වැටලීම් 700 ක් හා සියලු භාණ්ඩ සම්බන්ධයෙන් වැටලීම් 6000 ක් පමණ සිදුකර ඇති බවයි.
මේ අතර සමස්ත ලංකා බිත්තර නිෂ්පාදකයින්ගේ සංගමයේ සභාපති සරත් රත්නායක සඳහන් කළේ, මැයි 1 වනදා සිට පාලන මිලට වඩා අඩුවෙන් බිත්තර පාරිභෝගිකයන්ට ලබාදීමට කටයුතු කරන බවයි.
දේශීය බිත්තරයක මිල රුපියල් 50 ට අඩුවෙන් ලබාදීමට තීරණය කර ඇති බව සමස්ත ලංකා බිත්තර නිෂ්පාදකයින්ගේ සංගමයේ සභාපති සරත් රත්නායක පවසනවා.
ඒ අනුව ඊයේ (16) තම සංගමයේ නියෝජිතයින් රැස්වී මෙම තීරණය ගත් බවයි මාධ්ය වෙත අදහස් දක්වමින් ඔහු සඳහන් කළේ.
එසේම මැයි මස 01 වනදායින් පසු මේ වන විට පනවා ඇති පාලන මිලෙන් පහළට පාරිභෝගිකයින්ට බිත්තර ලබාදීමේ ක්රමවේදයක් සකස් කරන බවයි ඔහු වැඩිදුරටත් සඳහන් කළේ.
ගතවූ පැය 48 ක කාලය තුළ අධිවේගී මාර්ගවලින් ලද ආදායම රුපියල් කෝටි 7 ඉක්මවන බව මාර්ග සංවර්ධන අධිකාරිය පවසනවා.
එම කාලය තුළ වාහන 256,225 ක් අධිවේගී මාර්ගවල ධාවනය වී ඇති බවයි මාර්ග සංවර්ධන අධිකාරිය වැඩිදුරටත් සඳහන් කළේ.
සිංහල හින්දු අලුත් අවුරුදු සමය හේතුවෙන් බොහෝ පිරිසක් ගම් බිම් බලා යාමට අධිවේගී මාර්ග භාවිතා කර තිබුණා.
comment loading image
ජපානය, ප්රංශය සහ ඉන්දියාව ශ්රී ලංකාවේ ණය ප්රතිව්යුහගත කිරීම සම්බන්ධීකරණය කිරීම සඳහා ණයහිමියන් සඳහා නව වේදිකාවක් ප්රකාශයට පත් කරන බව ජපාන මුදල් අමාත්ය ෂුනිචි සුසුකි පවසනවා.
ඒ අනුව මේ සඳහා චීනයද සම්බන්ධ වන්නේ නම් එය ඉතා හොඳ බවයි G7 මූල්ය නායකයින්ගේ රැස්වීමෙන් පසු ප්රවෘත්ති සාකච්ඡාවකදී ඔහු සඳහන් කර තිබෙන්නේ.
මෙවර G7 රැස්වීමේදී ශ්රී ලංකාව වැනි මධ්යම ආදායම් ලබන රටවල ණය අවධානම පිළිබඳව අවධානය යොමු කිරීමට කටයුතු කර තිබෙනවා.
පසුගියදා මෙරටට ආනයනය කළ බිත්තර තොගයේ සෞඛ්ය සහතික වාර්තාව අද (13) දින නිකුත් කිරීමට බලාපොරොත්තු වන බව සත්ත්ව නිෂ්පාදන හා සෞඛ්ය දෙපාර්තමේන්තුව පවසනවා.
එම දෙපාර්තමේන්තුව විසින් පසුගිය සෙනසුරාදා දින අදාළ බිත්තර තොගයේ සාම්පල ලබාගෙන තිබූ අතර ඊයේ දිනය වනතෙක් ඒවා වරායෙන් නිදහස් කරගැනීම සඳහා සෞඛ්ය සහතිකය නිකුත් කර නොතිබූ බවයි සඳහන් වන්නේ.
ඒ අනුව පසුගිය සතියේ ගෙන්වූ බිත්තර තොගය ද හෝටල් සහ බේකරි කර්මාන්ත අතර බෙදාහැරිමට නියමිත අතර ඒ සඳහා ද මේ වනවිට ඇනවුම් බොහෝමයක් ඉදිරිපත් වී ඇති බවයි රාජ්ය වාණිජ විවිධ නීතිගත සංස්ථාව වැඩිදුරටත් සඳහන් කළේ.
දුෂ්කර අවස්ථාවේදී ශ්රී ලංකාවට සහාය වීම සඳහා ජාත්යන්තර මූල්ය අරමුදල ඉදිරිපත්ව සිටින බව එහි කළමනාකරණ අධ්යක්ෂිකා ක්රිස්ටලීනා ජෝර්ජියේවා පවසනවා.
ලෝක බැංකුව සහ ජාත්යන්තර මූල්ය අරමුදල ඒකාබද්ධව වොෂින්ටන් හී පවත්වනු ලබන සමුළුවට එක් වෙමින් ඇය මේ බව සඳහන් කර තිබෙනවා.
ශ්රී ලංකාවට අර්බුදයෙන් මිදීම සඳහා සියල්ලන් එක්ව ඔවුන්ගේ කාර්යභාරය ඉටුකිරීම මේ මොහොතේ වැදගත්වන බවයි ඇය එහිදී වැඩිදුරටත් සඳහන් කර තිබෙන්නේ.
එළැඹෙන මැයි මාසයේදී චීනය, ඉන්දියාව, පැරිස් සමාජය ඇතුළු ණය හිමියන් සමඟ ණය ප්රතිව්යුහගත කිරීමට අදාළ එකඟතාවන්ට එළැඹීමට අපේක්ෂා කරන බව මහ බැංකු අධිපති ආචාර්ය නන්දලාල් වීරසිංහ පවසනවා.
ඒ අනුව ණය ප්රතිව්යූහගත කිරීමට අදාළ ක්රියාවලිය සඳහා නිල කමිටුවක් පත් කරන්නේද නැතහොත් ද්විපාර්ශවික සාකච්ඡා මඟින් අවසන් එකඟතාවකට එළැඹෙන්නේද යන්න පිළිබඳව අදාළ පාර්ශව සමග අවසන් තීරණයකට එළැඹෙන බව Reuters පුවත් සේවය සමඟ සම්මුඛ සාකච්ඡාවකට එක්වෙමින් ඔහු සඳහන් කර තිබෙනවා.
එසේම ජාත්යන්තර ණය හිමියන් සමඟ ණය ප්රතිව්යුහගත කිරීමේ එකඟතාවයට එළැඹීමට පෙර දේශීය ණය ප්රතිව්යූහගත කිරීමේ ක්රියාවලිය පිළිබඳ අවසන් නිගමනයන්ට එළැඹීමට අපේක්ෂා කරන බවයි මහ බැංකු අධිපතිවරයා එහිදී වැඩිදුරටත් සඳහන් කර තිබෙන්නේ.
උත්සව සමයේ කුකුළු මස් කිලෝවක් රුපියල් 1350 කට අඩු මුදලකට පමණක් මිලදී ගන්නා ලෙස සමස්ත ලංකා කුකුළු ව්යාපාරික සංගමය පාරිභෝගිකයින්ගෙන් ඉල්ලා සිටිනවා.
එහි සභාපති අජිත් ගුණසේකර සඳහන් කළේ, උත්සව සමය හේතුවෙන් කුකුළු මස් ඉල්ලුම ඉහළ ගොස් ඇති බවයි.
කුකුළු මස් මිල වැඩි කිරීමට කිසිඳු හේතුවක් නොමැති බවත් සියලුම වෙළඳුන්ගෙන් එම මිලට වඩා අඩුවෙන් අලෙවි කරන ලෙස ඉල්ලා සිටින බවයි ඔහු වැඩිදුරටත් සඳහන් කළේ.
උත්සව සමය තුළ බිත්තරයක් රුපියල් 50 කට අඩු මුදලකට අලෙවි කිරීමට පියවර ගන්නා ලෙස සමස්ත ලංකා බිත්තර නිෂ්පාදකයින්ගේ සංගමය වෙළඳුන්ගෙන් ඉල්ලා සිටිනවා.
ඒ අනුව එහි සභාපති සරත් රත්නායක සඳහන් කළේ, මෙම දින තුනක හතරක කාලය තුළ හෝ මිල අඩුවෙන් පාරිභෝගිකයන්ට බිත්තර ලබාදෙන ලෙස ඉල්ලා සිටින බවයි.
උත්සව සමයේ ව්යාජ මුදල් නෝට්ටු සංසරණය විය හැකි බැවින් සාප්පු සවාරි යන මහජනතාව ඒ පිළිබඳ විමසිලිමත් විය යුතු බව පොලීසිය පවසනවා.
ජාවාරම්කරුවන් උත්සව සමයේදී ව්යාජ මුදල් නෝට්ටු වෙළඳපලට එක් කිරීමට උත්සාහ දරන බවයි පොලිස් මාධ්ය ප්රකාශක ජ්යෙෂ්ඨ පොලිස් අධිකාරි නිහාල් තල්දූව සඳහන් කළේ.
එමෙන්ම තමන්ගේ ගමන් මළු හා භාණ්ඩ සම්බන්ධයෙන් අවධානයෙන් කටයුතු කරන ලෙසයි පොලීසිය වැඩිදුරටත් සඳහන් කළේ.
