Business
ශ්රී ලංකා මහ බැංකුව දෛනිව නිකුත් කරන විනිමය අනුපාතික අනුව එක්සත් ජනපද ඩොරලරයේ මිල අද (20) ඉතා සුළු පහළ යාමක් සිදුව තිබෙනවා.
ඒ අනුව එක්සත් ජනපද ඩොරයක ගැනුම් මිල රු.331.71ක් ලෙස හා විකුණුම් මිල රු.349.87ක් ලෙසයි අද ශ්රී ලංකා මහ බැංකු නිල වෙබ් අඩවියේ දැක්වෙන්නේ.
ජාත්යන්තර මූල්ය අරමුදල සමඟ එකඟතාවකට පැමිණි පසු ඩොලරයේ අගය රුපියල් 200 හෝ 185 දක්වා ක්රමයෙන් පහළ යනු ඇතැයි අපේක්ෂා කළ හැකි යැයි ජනාධිපති රනිල් වික්රමසිංහ පැවසූ බව ජනාධිපති මාධ්ය අංශ්ය නිවේදනය කරනවා.
අරලියගහ මන්දිරයේ පැවති 32 වන ඉන්ටරැක්ට් දිස්ත්රික් සමුළුව අමතමින් ජනාධිපතිවරයා සිදුකළ කතාව උපුටා දක්වමින් ජනාධිපති මාධ්ය අංශය සඳහන් කරන්නේ, රට ස්ථාවරත්වයට පත්වීම සඳහා වසර 4 ක කාල පරිච්ඡේදයක් තිබෙන බව ජනාධිපතිවරයා පෙන්වා දුන් බවයි.
අයවැය හිඟයක් ඇති නොවන බවට හා 2026 වන විට අයවැය අතිරිත්තයක් ඇති කරන බවට ජාත්යන්තර මූල්ය අරමුදල ලබාදුන් ඉල්ලක්කය සමඟ එකඟවූ බවද, එවිට ලබාගත් මුදල් නැවත ගෙවිය හැකි බවද ජනාධිපතිවරයා වැඩිදුරටත් සඳහන් කළ බවද එම නිවේදනයේ සඳහන්.
මෙරටට ලබාදෙන විස්තීරණ ණය පහසුකම සඳහා වු ජාත්යන්තර මුල්ය අරමුදලේ විධායක කමිටු අනුමැතිය අද (20) දිනයේ ප්රකාශයට පත් කිරීමට නියමිතව තිබෙනවා.
මෙරට වේලාවෙන් අද රාත්රියේ ජාත්යන්තර මුල්ය අරමුදලේ විධායක කමිටුව රැස්වීමට නියමිත බවයි මුදල් රාජ්ය අමාත්යංශය සඳහන් කළේ.
එම කමිටු රැස්වීමෙන් අනතුරුව ජාත්යන්තර මුල්ය අරමුදලේ විධායක කමිටුව විශේෂ මාධ්ය සාකච්ඡාවක් හරහා අදාළ තීරණය ප්රකාශයට පත් කිරීමට නියමිත බව සඳහන් වන්නේ.
එම මාධ්ය සාකච්ඡාව හෙට (21) උදෑසන පැවැත්වෙනු ඇති බවයි සඳහන් වන්නේ.
ඉන්දියාවේ සිට මෙරටට ආනයනය කෙරෙන පළමු බිත්තර තොගය රැගත් නෞකාව ඉදිරි දින දෙක තුළ දිවයිනට ළඟා වනු ඇති බව වෙළඳ අමාත්ය නලීන් ප්රනාන්දු පවසනවා.
ඒ අනුව පළමු බිත්තර තොගය ලෙස බිත්තර මිලියන දෙකක් මෙරටට ගෙන්වීමට සැලසුම් කර ඇති බවයි අමාත්යවරයා සඳහන් කළේ.
පවතින බිත්තර හිඟය අවම කිරීම සහ මිල පාලනය කිරීමේ අරමුණින් රජය විසින් බිත්තර ආනයනය කිරීමට තීරණය කළ අතර අදාළ බිත්තර තොගය බේකරි කර්මාන්ත සඳහා යොදාගැනීමට නියමිතව තිබෙනවා.
ජාත්යන්තර මූල්ය අරමුදල (IMF) සමඟ ශ්රී ලංකාව ඇතිකරගත් එකඟතාවයේ සැඟවීමට දෙයක් නොමැති බව මුදල් රාජ්ය අමාත්ය රංජිත් සියඹලාපිටිය පවසනවා.
අමාත්යවරයා කියා සිටියේ මුදල් අමාත්යවරයා ලෙස ජනාධිපති රනිල් වික්රමසිංහ විසින් එළැඹෙන සතියේ දී IMF එකඟතාවය පාර්ලිමේන්තුවට ඉදිරිපත් කිරීමට කටයුතු කරනු ඇති බවයි.
මෙමඟින් විපක්ෂයට සහ විවිධ මත පළකරන පාර්ශ්වයන්ට පාර්ලිමේන්තුවේ කතා කිරීමට අවස්ථාවක් ලැබෙන බව පෙන්වා දෙන අමාත්යවරයා කියා සිටියේ ඔවුන්ගේ විකල්ප අදහස් ඉදිරිපත් කිරීම සඳහා අවස්ථාවක් ලැබෙන බවත් ඒ සඳහා අවස්ථාවක් ලබාදීමට රජය සුදානම් බවයි.
ජනතාව සහ වෘත්තීය සමිති පාරට බැස විරෝධතා සිදු කරන්නේ විදුලිබිල වැඩිවීම සහ දරාගත නොහැකි බදු බර නිසා බව Youth for Change සංවිධානයේ ජාතික සංවිධායක ළහිරු වීරසේකර පවසනවා.
එසේ වුවද ජනතා බදු මුදලින් නඩත්තු වෙන පාර්ලිමේන්තු මන්ත්රීවරුන් සහ ජනාධිපතිවරයා විසින් වෘත්තීය සමිති, බහුජන සංවිධානයන් එක්ව ගෙන යන වැඩවර්ජනයන් මර්දනය කළ යුතු බව ඔහු සඳහන් කරනවා.
IMF පිළිබඳව දැන් ආණ්ඩුව මන්ත්රයක් මෙන් මතුරමින් සිටින නමුත් IMF යනු ප්රතිහාර්ය පෑ හැකි විජ්ජාකාරයෙක් නොවන බවයි ඔහු පෙන්වා දෙන්නේ.
ශ්රී ලංකා මහ බැංකුව දෛනිකව නිකුත් කරන විනිමය අනුපාතික අනුව එක්සත් ජනපද ඩොලරයේ මිල අද (17) නැවතත් ඉහළ යාමක් සිදුව තිබෙනවා.
ඒ අනුව එක්සත් ජනපද ඩොලරයක ගැනුම් මිල රු332.20ක් ලෙස හා විකුණුම් මිල රු.350.22ක් ලෙසයි අද (17) ශ්රී ලංකා මහ බැංකු නිල වෙබ් අඩවියේ දැක්වෙන්නේ.
පොලී අනුපාතය සහ විනිමය අනුපාතය ස්වාධීනව තීරණය කිරීමට මහ බැංකුවට අවස්ථාව ලැබිය යුතු බව මේ වන විට ප්රයෝගිකව ඔප්පු වී ඇති බව මහ බැංකු අධිපති, ආචාර්ය නන්දලාල් වීරසිංහ පවසනවා.
ශ්රී ලංකා මහ බැංකු පනත් කෙටුම්පත වෙනස් කිරීමට බලපෑ ප්රධාන හේතුව ද විනිමය අනුපාත පිළිබඳ ස්වාධීනව තීරණ ගැනීමේ අවශ්යතාවය බව දේශනයකට එක්වෙමින් මහ බැංකු අධිපතිවරයා සඳහන් කළා.
පොලී අනුපාතය සහ විනිමය අනුපාතය සම්බන්ධයෙන් වන තීරණය ගත යුත්තේ දේශපාලනඥයින් නොවන බවද, එම තීරණය ජනතාව විසින් පත් කළ පිරිස් ගැනීමට කටයුතු කළහොත් ඔවුන්ට ගැනීමට සිදුවන්නේ නිවැරදි තීරණය නොව ජනප්රිය තීරණය බවද මහ බැංකු අධිපතිවරයා පෙන්වා දුන්නා.
2020 / 2021 වසරවල රජයේ බලපෑම මත බිලියන 6 ක සංචිතයන් බින්දුවට වැටෙන තෙක් විනිමය අනුපාතිකය රු. 203 අගයක පවත්වාගෙන ගිය බවද, පසුව එය අතහැර දැමූ බවද, ඉන් පසු මෙරට ආර්ථිකයට සිදුවූ බලපෑම සියලුදෙනාට දැකගත හැකිවූ බවද මහ බැංකු අධිපතිවරයා සඳහන් කළා.
එහිදී ද විනිමය අනුපාතය ස්වාධීනව තීරණය කිරීමට කටයුතු කළේ නම් රට අද මෙවැනි තත්ත්වයකට පත් නොවන බවයි මහ බැංකු අධිපතිවරයා වැඩිදුරටත් සඳහන් කළේ.
comment loading imageමහජන ප්රතිචාර
2022 වර්ෂයේ මෙරට ආර්ථික වර්ධන වේගය සෘණ 7.8% ක අගයක් ලෙස ඇස්තමේන්තමේන්තු කර ඇති බව ජනලේඛන හා සංඛ්යාලේඛන දෙපාර්තමේන්තුව පවසනවා. 2022 වසරේ සිව්වන කාර්තුවේ ආර්ථික වර්ධනය සෘණ 12.4% ක අගයක් වාර්තා කර ඇති බවයි එම දෙපාර්තමේන්තුව පෙන්වා දෙන්නේ. 2022 වසරේදී ප්රධාන ආර්ථික ක්රියාකාරකම් ත්රිත්වය වන කෘෂිකර්මාන්තය, කර්මාන්ත කටයුතු හා සේවා ආර්ථික කටයුතු යන අංශ තුනේම සෘණ වර්ධන වේගයන් වාර්තා කර තිබෙන අතර කෘෂිකර්මාන්තය 4.6% ක්, කර්මාන්ත 16% ක් සහ සේවා ක්රියාකාරකම් 2% ක ප්රතිශතයකින් පහළ ගොස් තිබෙනවා.
ශ්රී ලංකා මහ බැංකුව දෛනිකව නිකුත් කරන විනිමය අනුපාතික අනුව එක්සත් ජනපද ඩොලරයේ මිල අද (16) සුළු ඉහළ යාමක් සිදුව තිබෙනවා.
ඒ අනුව එක්සත් ජනපද ඩොලරයක ගැනුම් මිල රු329.02ක් ලෙස හා විකුණුම් මිල රු.346.33ක් ලෙසයි අද (16) ශ්රී ලංකා මහ බැංකු නිල වෙබ් අඩවියේ දැක්වෙන්නේ.
