Category: breaking_news

කොළඹ විශ්වවිද්‍යාලයේ නීති පීඨයට අනුබද්ධිත මානව හිමිකම් අධ්‍යයන කේන්ද්‍රය විසින් දෙවන වරට පැවැත්වු නොමිලේ ජංගම නීති උපදෙස් කඳවුරක් සහ නීතිය පිළිබඳ දැනුවත් කිරීමේ වැඩසටහනක් නුවරඑළිය ආගරපතන වතුයාය කේන්ද්‍ර කරගනිමින් පසුගිය  (17)   දින පැවැත්විණි.

ආගරපතන  ශ්‍රී සුදර්ශනාරාම විහාරස්ථානයේ දී  පැවැති මෙම වැඩසටහනේ දි කම්කරු ආරවුල්, ඉඩම් ආරවුල්, මුදල් ආපසු අයකරගැනීම්, පවුල් ආරවුල්, පාරිසරික ගැටලු, පහරදීම්, මිනීමැරුම්,  මංකොල්ලකෑම් ආදී සියළුම නීතිමය ගැටලු සම්බන්ධයෙන් නොමිලේ නීතීඥ උපදෙස් ලබා දීම සිදුවිය.

නීතිමය ලේඛණ සකස්කිරීමට නීති උපදෙස් ලබා දීම සහ යුක්තිදාම ආයතන වෙත යොමු කිරීම ඇතුළු කටයුතු  ද මෙහිදී සිදුවිය.

ඒ සඳහා නුවරඑළිය සහ හැටන් නීතිඥ සංගම් නියෝජනය කරමින් සිවිල් සහ අපරාධ නීති ක්ෂේත්‍රවල ප්‍රවීණ නීතිඥ මහත්ම මහත්මීන් රැසක්  සහභාගී වුහ.

මෙම වැඩසටහන මගින්  ප්‍රදේශයේ අඩු ආදායම්ලාභීන් සහ ආන්තිකත්වයට පත්වූ ප්‍රජාවන්ට නොමිලේ නීතීඥ උපදෙස් ලබා දීම සඳහා කටයුතු කල අතර, කොළඹ විශ්වවිද්‍යාලයේ නීති සිසුන්ට වෘත්තික අධීක්ෂණය යටතේ නීති අධ්‍යාපනයේ න්‍යායාත්මක හා ප්‍රායෝගික ක්ෂේත්‍ර අත්විඳීමට ඉඩ සැලසිම විශේෂිතය.

මෙම වැඩසටහන සඳහා  යුක්තිය සඳහා සහාය ව්‍යාපෘතිය (JURE) යටතේ යුරෝපා සංගමයේ මූල්‍ය අනුග්‍රහයෙන්, එක්සත් ජාතීන්ගේ සංවර්ධන වැඩසටහන සහ එක්සත් ජාතීන්ගේ ළමා අරමුදල ඒකාබද්ධව, අධිකරණ අමාත්‍යාංශ‍යේ අනුදැනුම යට‍තේ අනුග්‍රහය දැක්වීම සිදුකර ඇත.

 

20.02.2024

ආර්.එෆ්.එම්.සුහෙල් – නුවරඑළිය

ඉල්ලීම් කිහිපයක් මුල් කරගනිමින් යළි උද්ඝෝෂණ මාලාවක් අද සිට ආරම්භ කරන බව ගුරු විදුහල්පති වෘත්තීය සමිති සන්ධානය පවසනවා.

පාසල් අධ්‍යාපනයට බාධාවක් නොවන පරිදි එම උද්ඝෝෂණ මාලාව ක්‍රියාත්මක කරන බවයි එම සන්ධානය නියෝජනය කරන ලංකා ගුරු සේවා සංගමයේ ප්‍රධාන ලේකම් මහින්ද ජයසිංහ සඳහන් කළේ.

ඒ අනුව මහනුවරදී අද (20) දහවල් 2.00 ට දැවැන්ත උද්ඝෝෂණයක් පවත්වන බවයි ඔහු වැඩිදුරටත් ප්‍රකාශ කළේ.

ඥාණ කතාවක් හූනු කතාවක්වී පොලිස් කතාවක් දක්වා දුරදිග යාමේ පුවතක් ඉපලෝගම ප්‍රෙද්ශයෙන් වාර්ථාවෙයි.
කල්ලංචියාගම ප්‍රෙද්ශයේ වෙළද සැලකින් අලෙවි කර තිබූ ඥාණකතාවක් මෙම සිද්දියට මුල්ව තිබේ.
කල්ලංචියාගම ප්‍රෙද්ශයේ පදිංචි ව වඩුකාර්මික ශීල්පියකු හා ඔහුගේ සහයකයා තේ පානය සදහා කල්ලංචියාගම ප්‍රෙද්ශයේ පිහිටි වෙළද සැලකින් ඥාණකතා පැකට්ටුවක් මිලදී ගෙන තිබේ. ඒවුන් එය සිය නවතැන්පල වෙග රැගෙන ගොස් තේපානයට පෙර එම පැකට්ටුව විවෘත කර එහි තිබූ ඥාණකතා ආහාරයට ගැනීමට සූදානම්ව තිබිණ. එම අවස්ථාවේ එම පැකට්ටුවේ තිබූ එක් ඥාණකතාවක් තුළ තිබී මැරුණු හූනකුගේ තැම්බුනු සිරුරක් ඔවුන්ට හමුව තිබිණ. ඒ අනුව මිනිස් පරිභෝජනයට නුසුදුසු මට්ටමේ පැවැති මෙම ඥාණකතා සම්බන්ධයෙන් ඒවා අලෙවි කළ වෙළසැල් හිමියාද දැනුම්වත් කොට ඉපලෝගම සෞඛ්‍ය වෛද්‍ය නිලධාරියා හා අදාළ මහජන සෞඛ්‍ය පරීක්ෂකවරයාට ද මේ සම්බන්ධයෙන් පැමිණීලි කිරීමට පියවර ගෙන තිබිණ. මිනිස් පරිභෝජනයට නුසුදුසු මෙම ඥාණකතා දඹුල්ල ඉනාමළුව ප්‍රෙද්ශයේ පිහිටි එකක් වන අතර එම ඥාණකතා පැකට්ටුවේ ඛාණ්ඩ අංකය ලෙස 045 යනුවෙන් සදහන් වන අතර එහි නිෂ්පාදිත දිනය24 පෙබරවාරි 14 ලෙස සදහන්ව පවතින අතර කල් ඉකුත්වීමේ දිනය ලබන මැයි මස 29 ලෙස සදහන්ව තිබේ. (දර්ශණ එවා ඇත)
මිනිස් පරිභෝජනයට නුසුදුසු මෙම ඥාණකතා සම්බන්ධයෙන් සෞඛ්‍ය වෛද්‍ය නිලධාරී කාර්යාලයට පැමිණීළි කිරීමත් සමග උරණ වි ඇති එම ඥාණකතා අලෙවි කළ බව කියන වෙළද සැල් හිමියාගේ පාර්ශවයේ පිරිසක් අද දිනයේ එම වඩුකාර්මික ශිල්පියාට හා සහයකයාට පහර දී තිබේ. ඒ එම වඩුකාර්මික ශිල්පියා හා සහයකයා කල්ලංචියාගම ප්‍රෙද්ශයේ ස්ථානයට සේවයේ යෙදී සිටියදී එම සේවා ස්ථානය වෙත කඩාවදිමින්ය..(දර්ශණ එවා ඇත)
මිනිස් පරිභෝජනයට නුසුදුසු මෙම ආහාර සම්බන්ධයෙන් මහජන සෞඛ්‍ය පරීක්ෂකවරුන්ට පැමිණිලි කිරීම සම්බන්ධයෙන් චෝදනා කරමින් අදාළ වෙළදසැල් හිමියාගේ පාර්ශවයෙන් තමන්ට එල්ලවූ මෙම පහර දීම සම්බන්ධයෙන් එම පහර කෑමට ලක්වූ වඩුකාර්මික ශිල්පියා හා ඔහුගේ සහයකයා විසින් ඉපලෝගම පොලිස් ස්ථානය වෙත පැමිණිලි කිරීමට පියවර ගෙන තිබිණ.
කෙසේ වෙතත් පහර කෑමට ලක්වූ දෙදෙනා විසින් මිනිස් පරිභෝජනයට නුසුදුසු අපිරිසිදු ආහාර අලෙවිය සම්බන්ධයෙන් ඉපලෝගම සෞඛ්‍ය වෛද්‍ය නිලධාරීකාර්යාලය වෙත කර ඇති පැමිණිල්ල සම්න්ධයෙන් අප එම කාර්යාලයෙන් විමසීමක් කලේම. එහිදී ඊට පිළීතුරු දුන් උසස් නිලධාරියකු කියා සිටියේ මිනිස් පරිභෝජනයට නුසුදුසු එම ආහාර අලෙවිය හා නිෂ්පාදනය සම්බන්ධයෙන් ආහාර පනත යටතේ නීතිමය පියවර ගන්නා බවයි. මින් පෙරද ආහාර පනත උල්ංඝනය කිරීම සම්බන්ධයෙන් එම ආහාර නිෂ්පාදන ආයතනයට එරෙහිව නීතිමය පියවර ගෙන ඇති බව ද එම නිලධාරියා වැඩි දුරටත් පැවැසීය.
මෙම සිද්දිය සම්බන්ධයෙන් අදාළ විත්තිකරුවන් කැකිරාව දිසා මහෙස්ත්‍රාත් අධීකරණය හමුවට ඉදිරිපත් කිරීමට නියමිතව තිබේ.
ආහර පනත උල්ලංගනය කර ඇති එම විත්තිකාර පාර්ශවය විසින් පැමිණීලි කරුවන්ට සිදුකර ඇති පහර දීම සම්බන්ධයෙන් පහරකෑමට ලක්වූ එම පැමිණිලිකරුවන් පොලිසියට කර ඇති පැමිණිල්ල සම්බන්ධයෙන් ඉපලෝගම පොලිස් ස්ථානය මගින් විමර්ශණ ආරම්භ කර තිබේ.

24-02-19
කැකිරාව කුෂාන් ජයවර්ධන

 

 

ශ්‍රී ලංකාවේ බ්‍රිතාන්‍ය මහ කොමසාරිස් කාර්යාලයේ ආර්ථික හා දේශපාලන නියෝජිතයින් සහ ජාතික ජන බලවේගයේ ආර්ථික කවුන්සිලයේ නියෝජිතයින් අතර හමුවක් අද (19) පැලවත්ත ජ.වි.පෙ. ප්‍රධාන කාර්යාලයේදී පැවැත්විණි.

මෙම හමුවේදී ශ්‍රී ලංකාව මුහුණ දෙමින් සිටින සමාජ ආර්ථික අර්බුදය හමුවේ ශ්‍රී ලංකාවේ ව්‍යාපාරික ක්ෂේත්‍රය මුහුණ පා ඇති ගැටලු සහ ජනතාව මුහුණ දී සිටින ආර්ථික දුෂ්කරතා පිළිබඳව දීර්ඝ ලෙස සාකච්ඡාවට බඳුන් විය. ආර්ථික අර්බුදය විසඳීම සම්බන්ධයෙන් වන ජාතික ජන බලවේගයේ ප්‍රතිපත්තිමය ප්‍රවේශයන් පිළිබඳවද අවධානය යොමු කෙරිණි.

බ්‍රිතාන්‍ය මහ කොමසාරිස් කාර්යාලයේ ආර්ථික කටයුතු පිළිබඳ පළමු ලේකම් මැතිව් වර්ඩින්හම් (Matthew Wordinghem), දේශපාලන කටයුතු පිළිබඳ දෙවන ලේකම් ඇලෙක්ස් ස්මිත් (Alex Smith) සහ දේශපාලන උපදේශක නෙලුනි තිලකරත්න (Neluni Thilakaratne) සහභාගී වූ අතර ජාතික ජන බලවේගයේ ආර්ථික කවුන්සිලය වෙනුවෙන් ජාතික විධායක සභික මහාචාර්ය අනිල් ජයන්ත, ආචාර්ය හර්ෂණ සූරියප්පෙරුම සහ ජාතික විධායක සභික මුදිත නානායක්කාර යන අය සහභාගි වූහ.

ළමා හා කාන්තා හිංසනයන් ගැන හොයන්න බස් රථයට නැගි පොලිස් උපාය දුතිකාවටත් ආරක්ෂක නිළධාරියෙක් ජැක් ගහලා එළඹෙන 22 දක්වා රක්ෂිත බන්ධනාගාරයට .

 

රටපුරා ක්‍රියාත්මක කෙරෙන යුක්තියේ මෙහෙයුම පොලිස් ක්‍රියාන්විතයට සමගාමිව පොදු ප්‍රවාහන සේවාවන් අරහා ගමන් කරන කාන්තාවන්ට හා බාල වයස්කාර සිදුවන ලිංගික පිළිබඳව නුවරඑළිය පොලිසිය මගින් බස් රථ සඳහා යොදවා සිටි උපායදූතිකාවට ලිංගික හිරිහැර කළ පුද්ගලයෙකු පසුගිය අත්තඩංගුවට ගෙන නුවරඑළිය මහේස්ත්‍රාත්වරයා වෙත ඉදිරිපත් කළ බව නුවරඑළිය මූලස්ථාන ප්‍රධාන පොලිස් පරීක්ෂක ප්‍රේමලාල් හෙට්ටිආරච්චි මහතා පැවසීය ,

මෙලෙස අත්අඩංගුවට ගෙන ඇත්තේ වැලිමඩ ප්‍රදේශයේ පදිංචි  මේ වන විට පෞද්ගලික ආරක්ෂක සේවයේ නියුතු වයස අවුරුදු 44ක් වූ පුද්ගලයෙකු බවද එතම අනාවරණය කරයි ,

තවද මෙලෙස පොලිසිය මගින් යෙදවූ උපාය දූතිකාවට අතවර කර ඇත්තේ නුවරඑළිය සිට වැලිමඩ දක්වා ගමන් කළ බස් රථයක් තුළය ,

නුවරඑළිය පොලිසිය විසින් අත්අඩංගුවට ගත් සැකකරු නුවරඑළියේ මහේස්ත්‍රාත්වරිය වෙත ඉදිරිපත් කිරීමෙන් එළඹෙන (22) දා දක්වා ආරක්ෂිත බන්ධනාගාර ගත කරන ලෙස නුවරඑළියේ මහේස්ත්‍රාත් ප්‍රබුද්ධිකා ලංකාන්දනී මහත්මිය නියෝග කළ බවද නුවරඑළිය මූලස්ථාන ප්‍රධාන පොලිස් පරීක්ෂකවරයා පැවසීය ,

ළමා හා කාන්තා ඉන්සලයන් මැඩලීම වෙනුවෙන් දියත් කරනු ලබන මෙහෙයුමේදී උපායදූතිකාවක් ලෙස යෙදවූ තරුණියෙකුටම මෙලෙස බස්රථ තුළ අතවර කිරීමට උත්සාහ දැරීම තුල නිගමනය කළ හැක්කේ බස් රථ තුළ ළමුන්ට හා කාන්තාවන්ට බහුල ලෙස ලිංගික අතවරයන් සිදුවන බවය එබැවින් ඉදිරියේදී නුවරඑළිය දාන බස් නැවතුම්පොලේ සිට ගමන් අරඹන සියලුම බස් රථ තුළ කාන්තාවන්ට හා ළමුන්ට සිදුවන ලිංගික හිංසනයන් පිළිබඳ දැඩි ලෙස සොයා බැලීමට සහ ඒ සඳහා සම්බන්ධ වන වැරදිකරුවන්ට නීතිය දැඩි ලෙස ක්‍රියාත්මක කරන බවත් නුවරඑළියේ මූලස්ථාන ප්‍රධාන පොලිස් පරීක්ෂක ප්‍රේමලාල් හිට්ටිආරච්චි මහතා පැවසීය.

ආර්.එෆ්.එම්.සුහෙල් – නුවරඑළිය

සමලිංගික විවාහ නීතිගත කිරීම සඳහා අවසර ලබාදීමට ග්‍රීසිය තීරණය කර තිබෙනවා.

ඊයේ (15)  එරට පාර්ලිමේන්තුවේ පැවැත්වූ ඡන්දයෙන් අනතුරුව මෙසේ සමලිංගික යුවල සඳහා සමාන අයිතිවාසිකම් ලබා දී තිබෙන බවයි විදෙස් මාධ්‍ය වාර්තා කරන්නේ.

ඒ අනුව සමලිංගික විවාහ නීතිගත කළ පළමු ක්‍රිස්තියානි ඕතොඩොක්ස් රට බවට ග්‍රීසිය පත්ව ඇති බවයි විදෙස් මාධ්‍ය වාර්තා වැඩිදුරටත් සඳහන් කරන්නේ.

බෙලිඅත්ත වලස්මුල්ල මාර්ගයේ කහවත්ත අධිවේගී පිවිසුම අසලදී පසුගියදා පුද්ගලයින් පස්දෙනෙකුට වෙඩිතබා ඝාතනය කිරීමේ සිද්ධියට සම්බන්ධ තවත් පුද්ගලයින්ට කිහිප දෙනෙකු පොලිසිය හඳුනාගෙන ඇත. එම පුද්ගලයින්ගේ ඡායාරූප හා
ඔවුන්ගේ විස්තර පොලිසිය විසින් ප්‍රසිද්ධියට පත් කර ඇති අතර ජනතාවගෙන් ඉල්ලා සිටින්නේ අදාළ සැකකරුවන් හඳුනන්නේ නම් හැකි ඉක්මනින් පහතින් ඇති දුරකථන අංක වලට දැනුම් ලෙස දෙන ලෙස පොලිසිය පවසයි.

අදාළ සැකකරුවන් පිළිබඳ තොරතුරු දන්නේ නම්
071 8591488 දුරකථන අංකයට හෝ 0718591497 දුරකථන අංකයට ලංගම පොලීසිය දැනුවත් කරන ලෙසයි පොලිසිය මහජනතාවගෙන් ඉල්ලා සිටියි