අල්ලස් කොමිසම විසින් සිදු කරන විමර්ශනයකට අදාළව හිටපු අමාත්ය කෙහෙළිය රඹුක්වැල්ලගේ බැංකු ගිණුම් අත්හිටුවමින් නිකුත් කර තිබෙන නියෝගය ඉවත් කරන්නේ ද? නැති ද? යන තීරණය ලබන 17 වැනිදා ප්රකාශයට පත් කරන බව කොළඹ මහාධිකරණය දැනුම් දී තිබෙනවා.
කෙහෙළිය රඹුක්වැල්ල වෙනුවෙන් ඉදිරිපත් කළ කරුණු සලකා බැලීමෙන් පසුව කොළඹ මහාධිකරණ විනිසුරු ආදිත්ය පටබැඳිගේ විසින් මෙම නියෝගය නිකුත් කර ඇති බවයි සඳහන් වෙන්නේ.
අදාළ නඩුව කැඳවූ අවස්ථාවේදී කෙහෙළිය රඹුක්වැල්ල වෙනුවෙන් පෙනී සිටි නීතිඥවරයා අධිකරණය හමුවේ කරුණු දක්වමින්, අරගල සමයේ තම සේවාදායකයාගේ නිවස ගිනි තැබීමේ සිද්ධිය සම්බන්ධයෙන් ලැබුණු රුපියල් ලක්ෂ නවසිය පනහක වන්දි මුදල හා ඔහුගේ විශ්රාම වැටුප දැනට අධිකරණය මගින් තහනමට ලක් කර තිබෙන තම සේවාදායකයාගේ පාර්ලිමේන්තු බැංකු ගිණුමට බැර වී තිබෙන බවයි සඳහන් කර ඇත්තේ.
අදාළ බැංකු ගිණුමට පනවා තිබෙන තහනම ඉවත් කරන ලෙසට නීතිඥවරයා අධිකරණයෙන් ඉල්ලීම් කර තිබෙන අතර, එම ඉල්ලීම පිළිබඳ නියෝගය ලබන 17 වැනිදා ප්රකාශයට පත් කරන බවයි අධිකරණය එහිදී දැනුම් දී ඇත්තේ.
