Author: Supun

සිරි දළදා වන්දනාව දෙවන දිනයටත් අද (19) දහවල් ආරම්භ කිරීමට නියමිතව තිබෙනවා.

ඒ අනුව, අද මධ්‍යහ්න 12.00 සිට පස්වරු 5:30 දක්වා දළදා වන්දනාව පැවැත්වීමට නියමිතයි.

දළදා වන්දනාව සඳහා අතිවිශාල සැදැහැවතුන් පිරිසක් තවදුරටත් පෝලිම්වල රැඳී සිටින අතර, ප්‍රවේශ මාර්ග තුනකින් මෙලෙස පෝලිම්වල යොදවා ඇති බවයි දැක්වෙන්නේ.

සිරි දළදා වන්දනාව ජනාධිපති අනුර කුමාර දිසානායකගේ සහභාගීත්වයෙන්, ඊයේ (18) දහවල් ආරම්භ වූ අතර මෙම දළදා දැක්ම අප්‍රේල් 27 වැනිදා දක්වා, දින 10ක් පුරා පැවැත්වීමට නියමිතව ඇති අතර, අද (19) සිට දිනපතා දහවල් 12.00 සිට පස්වරු 5.00 දක්වා එම අවස්ථාව ලැබෙන බවයි වැඩිදුරටත් දැක්වෙන්නේ.

“සිරි දළදා වන්දනාව” විශේෂ දළදා ප්‍රදර්ශනය වෙනුවෙන් රාජකාරිවල යෙදී සිටින පොලිස් නිලධාරීන්ට විශේෂ ගමන් වියදම් සහ සංයුක්ත දීමනාවක් ලබා දීමට පොලිස් මූලස්ථානය පියවර ගෙන තිබෙනවා.

අද (18) දිනයේ සිට එළැඹෙන 27 වැනි දින දක්වා මහනුවර ශ්‍රී දළදා මාලිගා පරිශ්‍රයේ පැවැත්වීමට නියමිත විශේෂ දළදා ප්‍රදර්ශනය සඳහා පැමිණෙන දෙස් විදෙස් බැතිමතුන්ගේ ආරක්ෂාව සඳහා පොලීසිය විසින් විශේෂ ආරක්ෂක හා රථවාහන සැලැස්මක් ක්‍රියාත්මක කිරීමට පියවර ගෙන තිබෙනවා.

ඒ අනුව මේ සඳහා සහභාගී වන සියලුම පොලිස් නිලධාරීන්ට විශේෂ ගමන් වියදම් හා සංයුක්ත දීමනාවක් ලබා දීමට වැඩබලන පොලිස්පතිවරයා විසින් පොලීසිය වෙත උපදෙස් ලබාදී ඇති බවයි වැඩිදුරටත් සඳහන් වෙන්නේ.

මේ සම්බන්ධයෙන් නිකුත් කළ නිවේදනය පහතින්.

ඩෙංගු රෝගය හේතුවෙන් වසරේ මේ දක්වා කාලය තුළ පුද්ගලයින් 05 දෙනෙකු මියගොස් ඇති බව ජාතික ඩෙංගු මර්ධන ඒකකය පවසනවා.

එම කාලය තුළ ඩෙංගු රෝගීන් 14,678 දෙනෙකු වාර්තා වී ඇති බවයි එම ඒකකය සඳහන් කළේ.

වැඩිම ඩෙංගු රෝගීන් සංඛ්‍යාවක් වාර්තා වී ඇත්තේ කොළඹ, ගම්පහ, කලුතර හා රත්නපුර දිස්ත්‍රික්කවලින් බවද සඳහන්.

මේ අතර, ප්‍රාදේශීය මට්ටමින්, පාසල්වල ඩෙංගු මර්ධන වැඩසටහන් මෙම සති අන්තය තුළ ආරම්භ කරන ලෙස ජාතික ඩෙංගු මර්ධන ඒකකය විසින් දැනුම් දී තිබෙන බවයි වැඩිදුරටත් දැක්වෙන්නේ.

වසර 16 කට පසු පැවැත්වෙන ‘සිරි දළදා වන්දනාව’ අද (18) සිට ආරම්භ වන අතර එහි සමාරම්භක අවස්ථාවට ජනාධිපති අනුර කුමාර දිසානායක සමඟ රටවල් රැසක තානාපතිවරුන්, මහ කොමසාරිස්වරුන් ඇතුළු රාජ්‍ය තාන්ත්‍රිකයන් එක්වීමට නියමිතව තිබෙනවා.

වියට්නාමය, බංග්ලාදේශය, ඉන්දුනීසියාව, නේපාලය, නෙදර්ලන්තය, ඉන්දියාව, මියන්මාරය, පලස්තීනය, ප්‍රංශය, නවසීලන්තය, කියුබාව, ඊජිප්තුව, ජපානය, බ්‍රිතාන්‍යය, තායිලන්තය, කැනඩාව, කොරියාව යන රටවල් නියෝජනය කරමින් එක්වන මෙම කණ්ඩායම අද පෙ.ව 7.00 ට පමණ කොළඹ කොටුව දුම්රිය ස්ථානයේ සිට මහනුවර දක්වා ධාවනය වූ දුම්රියේ විශේෂ නැරඹුම් මැදිරියකින් මහනුවර බලා ගමන් කළ බවයි ජනාධිපති මාධ්‍ය අංශය සඳහන් කළේ.

ශ්‍රී ලංකාව නැවත ආර්ථික වශයෙන් නැගී සිටිමින් පවතින බවත්, මෙතෙක් රට වෙළාගෙන තිබු සියලු බාධාවන් ඉවත් වී රට තුළ සහජිවනය ගොඩනැගී ඇති බවටත් වන පණිවිඩය මිත්‍ර රටවල් වෙත ලබාදීම සහ එකී ගමනට එම සියලුදෙනාගේ සහාය ලබා ගැනීමේ අපේක්ෂාවෙන් මෙම අවස්ථාව සංවිධානය කර තිබෙනවා.

මෙම කණ්ඩායම සමඟ තවත් රාජ්‍ය තාන්ත්‍රිකයන් පිරිසක් එක්විමට නියමිත අතර 44 දෙනෙකුගෙන් යුත් මෙම කණ්ඩායම ‘සිරි දළදා වන්දනාව’ සමාරම්භක අවස්ථාවට එක් වීම සඳහා දළදා මාළිගාව වෙත පැමිණීමට නියමිතයි.