දකුණු පයාගල දුම්රිය ස්ථානයේදී දුම්රියක් කාර්මික දෝෂයකට ලක්ව තිබෙන බව දුම්රිය දෙපාර්තමේන්තුව පවසනවා.
එම නිසා මුහුදුබඩ දුම්රිය මාර්ගයේ ගමනාගමනයට බාධා එල්ල වී ඇති අතර, මේ හේතුවෙන් දුම්රිය ප්රමාදයක් සිදුවිය හැකි බවයි එම දෙපාර්තමේන්තුව වැඩිදුරටත් සඳහන් කරන්නේ.
https://www.youtube.com/embed/ErMbo98FutM?si=OTu3OJXg7GULMc2Q” title=
https://www.youtube.com/embed/HTcK1RXTIrM?si=YRmcmhBRjvvFd2AC” title=
https://www.youtube.com/embed/Hq40HD4WnnY?si=J_Uzg_MUI1Z0IWKG” title=
https://www.youtube.com/embed/ZlQBeAAET-I?si=9CWv1U_UhEP1rfIM” title=
හිටපු ජනාධිපති ගෝඨාභය රාජපක්ෂගේ පාලන සමයේ ලෝක උරුමයක් වශයෙන් නම් කර තිබෙන සිංහරාජ වනාන්තරය හරහා වැටී තිබෙන මාර්ගයක් පුළුල් කිරීමට ගෙන තිබූ තීරණයට එරෙහිව ගොනු කර තිබූ පෙත්සමක් ජනවාරි මස 23 වනදා කැඳවන ලෙස අභියාචනාධිකරණය අද (28) නියෝග කර තිබෙනවා.
එම පෙත්සම අද මොහොමඩ් ලෆාර් සහ පී. කුමාරන් රත්නම් යන අභියාචනාධිකරණ විනිසුරු මඩුල්ල ඉදිරියේ කැඳවනු ලැබූ අතර එම අවස්ථාවේදී වගඋත්තරකාර පාර්ශ්වය වෙනුවෙන් පෙනී සිටිම සඳහා රජයේ නීතිඥවරයෙකු පත්කර නොමැති බවට අනාවරණයවී තිබුණා.
මේ සම්බන්ධයෙන් දැඩි දෝෂාරෝපණ එල්ල කළ විනිසුරු මඩුල්ල මේ ආකාරයෙන් නඩු කල්යාම නුසුදුසු බව සඳහන් කර ඇති අතර එබැවින් මෙම නඩුව සඳහා කඩිනමින් රජයේ නීතිඥවරයෙකු පත්කළ යුතු බවත් විනිසුරු මඩුල්ල පෙන්වාදී තිබෙනවා.
ඒ අනුව නඩුව ජනවාරි මස 23 වනදා දක්වා කල් තැබීමට නියෝග කර ඇති බවයි වැඩිදුරටත් සඳහන් වෙන්නේ.
පාස්කු ප්රහාරය පිළිබඳව සොයා බැලීම සඳහා පත්කෙරුණු ඉමාම් කමිටු වාර්තාව උදය ගම්මන්පිල හිටපු මන්ත්රීවරයා විසින් අද (28) ප්රකාශයට පත් කර තිබෙනවා.
Channel 4 නාළිකාව පාස්කු ප්රහාරය පිළිබඳව නඟන ලද චෝදනා සම්බන්ධයෙන් පරීක්ෂා කිරීම සඳහා හිටපු විනිසුරු එස්.අයි. ඉමාම්ගේ ප්රධානත්වයෙන් මෙම කමිටුව පත්කර තිබුණා.
මුහුදුබඩ දුම්රිය මාර්ගයේ දුම්රියක් පීලි පැනීමට ලක්වී තිබෙනවා.
ඒ අනුව පානදුර සිට මරදාන බලා ධාවනය වූ දුම්රියක් මෙලෙස පීලි පැනීමට ලක්ව ඇති බවයි දුම්රිය දෙපාර්තමේන්තුව සඳහන් කළේ.
මේ හේතුවෙන් මුහුදුබඩ දුම්රිය මාර්ගයේ දුම්රිය ප්රමාදයක් සිදුවිය හැකි බව වැඩිදුරටත් සඳහන් වෙනවා.
සංවිධානාත්මක අපරාධකරුවෙකු හා මහා පරිමාණ මත්ද්රව්ය ජාවාරම්කරුවෙක් වන ‘මර්වින් ජානා’ හෙවත් ‘බේකරි ජානා’ නැමති මත්ද්රව්ය ජාවාරම්කරු අත්අඩංගුවට ගෙන තිබෙනවා.
විශේෂ කාර්ය බළකායේ විශේෂ මෙහෙයුමක් අතරතුර අයිස් මත්ද්රව්ය සමග අදාළ සැකකරු අත්අඩංගුවට ගෙන ඇති බවයි සඳහන් වෙන්නේ.
යිස් මත්ද්රව්ය ග්රෑම් 17යි මිලිග්රෑම් 60ක් සන්තකයේ තබාගෙන ජාවාරම් සිදුකිරීම සඳහා මෝටර් රථයකින් යමින් සිටිය දී 45 හැවිරිදි අත්තිඩිය, දෙහිවල ප්රදේශයේ පදිංචි සැකකරු විශේෂ කාර්ය බළකා නිලධාරීන් විසින් අත්අඩංගුවට ගෙන ඇති බවයි සඳහන් වෙන්නේ.
වැඩිදුර විමර්ශන කටයුතු සඳහා සැකකරුව බොරලැස්ගමුව පොලිස් ස්ථානය වෙත භාර දී තිබෙනවා.
උතුරු දුම්රිය මාර්ගයේ අනුරාධපුර – මහව අතර කොටසේ දුම්රිය ධාවනය අද (28) සිට යළි ආරම්භ කර තිබෙනවා.
උතුරු දුම්රිය මාර්ගය නවීකරණය කිරීමෙන් අනතුරුව මෙලෙස යළි ගමනාගමනය ආරම්භ කර ඇති බවයි සඳහන් වෙන්නේ.
ඒ අනුව උතුරු දුම්රිය මාර්ගයේ දුම්රිය ප්රවේශපත්ර වෙන් කරවා ගැනීමද, මේ වන විට ආරම්භ කර ඇති බවයි දුම්රිය දෙපාර්තමේන්තුවේ නියෝජ්ය ගමනාගමන අධිකාරි එන්.ජේ. ඉදිපොලගේ සඳහන් කළේ.
දුම්රිය ගමනාගමනය ආරම්භ කිරීමත් සමග හරස් මාර්ග භාවිත කරන ජනතාව විමසිලිමත්ව කටයුතු කරන ලෙස දුම්රිය දෙපාර්තමේන්තුව වැඩිදුරටත් සඳහන් කර සිටිනවා.
