මැතිවරණ කොමිසම විසින් තවම නීත්‍යානුකූලව මැතිවරණයක් කැඳවා නොමැති බව ජනාධිපති රනිල් වික්‍රමසිංහ පවසනවා.
මැතිවරණයක් පැවැත්වීම රටේ ආර්ථිකයට නුසුදුසු බවද, ඊට මුදල් නොමැති බවද අද (23) පාර්ලිමේන්තුවේදී විශේෂ ප්‍රකාශයක් කරමින් ජනාධිපතිවරයා සඳහන් කළා.
ඡන්දය පැවැත්වීම සම්බන්ධයෙන් දිනය ගැන තීරණය ගෙන ඇත්තේ කොමිසමේ සාමාජිකයන් දෙදෙනෙක් පමණක් බව සහ අනෙක් සාමාජිකයන්ගෙන් පසුව ඒ සඳහා අනුමැතිය ලබාගෙන ඇති බව Sunday Times පුවත්පතේ වාර්තාවක දැක්වෙන බවද ජනාධිපතිවරයා සඳහන් කළා.
ඒ අනුව ඡන්දය පැවැත්වීම සම්බන්ධයෙන් මෙතෙක් නීත්‍යානුකූල ලෙස තීරණයක් ගෙන නොමැති බවයි ජනාධිපතිවරයා වැඩිදුරටත් සඳහන් කළේ.
