ත්රස්තවාදය වැළැක්වීමේ පනත ඉතා කෙටි කාලයක් තුළදී අහෝසි කිරීමට කටයුතු කරන බව මහජන ආරක්ෂක සහ පාර්ලිමේන්තු අමාත්ය ආනන්ද විජේපාල මහතා පවසයි.
අද (09) පාර්ලිමේන්තුවේදි අදහස් දක්වමින් අමාත්යවරයා පැවසුවේ ඒ සඳහා සියලු කටයුතු මේ වන විට සූදානම් බවය.
ඒ අනුව ඉතා කෙටි කාලයක් තුළ ත්රස්තවාදය අහෝසි කිරීම සඳහා කටයුතු කරන බව අමාත්යවරයා අද පාර්ලිමේන්තුවේදී පැවසීය.
අමාත්යවරයා පැවසුවේ රජයට පැහැදිලි මහජන බලයක් ලැබී ඇති බවත් මර්දන, නීති, අනපනත් යොදා ආණ්ඩු කිරීමට අවශ්ය නොවන බවය.
එහිදී වැඩිදුරටත් අදහස් දැක්වූ අමාත්ය
“මෙතන මන්ත්රීවරු කතාවුණා ත්රස්තවාදය වැළැක්වීමේ පනත ගැන. අපි අනිවාර්යයෙන්ම ත්රස්තවාදය වැළැක්වීමේ පනත අහෝසි කරනවා. මේ වෙනකොට අධිකරණ ඇමතිතුමා කිව්වා වගේම මේ පනත අහෝසි කිරීම සඳහා සියලු කටයුතු සූදානම් කරලා තියෙන්නේ. ඉතාමත් කෙටි කාලයක් තුළ මේ පනත අහෝසි කරනවා. අපි මේ මර්දන, නීති, අණපනත් දාගෙන ආණ්ඩු කරන්න සූදානම් නෑ. අපිට තියෙනවා හොඳ මහජන බලයක්”
