රාජ්ය බුද්ධි සේවයේ හිටපු අධ්යක්ෂ සුරේෂ් සලේ මහතාගේ බිරිඳ වන මනෝරි සලේ මහත්මිය විසින් ජනාධිපති අනුර කුමාර දිසානායක මහතා වෙත ලිපියක් යොමු කර තිබේ.
අදාළ ලිපිය මගින් ඇය ඉල්ලා ඇත්තේ සුරේෂ් සලේ මහතාට එරෙහිව ක්රියාත්මක වන රැඳවුම් නියෝගය වහාම අවලංගු කරන ලෙසය.
එමෙන්ම සුරේෂ් සලේ මහතා රඳවා තබා ගැනීමට අදාළ මහේස්ත්රාත් අධිකරණ කටයුතු පසුගිය මැයි 20 වැනි දින කොටුව මහේස්ත්රාත් අධිකරණය හමුවේ කැඳවූ බවත් එම නඩු කටයුතු අතරතුර අධිකරණ නියෝග පරිදි සකස් කරන ලද අධිකරණ වෛද්ය නිලධාරියාගේ වාර්තාව ලැබුණු බවත් එම අධිකරණ වෛද්ය නිලධාරියාගේ නිගමන මගින් තම ස්වාමිපුරුෂයා විසින් රැඳවුම් භාරයේ සිටියදී විඳි ශාරිරිත හා මානසික පීඩාවන් සම්බන්ධයෙන් දිගින් දිගටම ප්රකාශ කළ කරුණු සනාථ වී ඇති බවත් ඇය ලිපිය මගින් ජනාධිපතිවරයාට පෙන්වා දී තිබේ.
