ලෝක වෙළෙඳපොළේ බොරතෙල් මිල පාලනය කිරීම සහ ස්ථාවරව පවත්වා ගැනීම සඳහා පිහිටුවා ගත් ‘OPEC+’සංවිධානය එළැඹෙන මැයි මාසයේ දී තෙල් නිෂ්පාදනය වැඩි කිරීමට අද (5) සිය එකඟතාව පළකර තිබේ.
ඔපෙක් (OPEC) සහ ඔපෙක් නොවන (තෙල් අපනයනය කරන රටවල්) 10කින් සැදුම්ලත් සංගමයක් වන මෙම ජාත්යන්තර සන්ධානයේ සාමාජික රටවල් 8ක් මෙම එකඟතාවට පැමිණ ඇත.
ඒ අනුව සෞදි අරාබිය, රුසියාව, ඉරාකය, එක්සත් අරාබි එමීර් රාජ්යය, කුවේට්, කසකස්තානය, ඇල්ජීරියාව සහ ඕමානය මෙම එකඟතාව පළකර ඇති අතර, ඔවුන් දිනක නිෂ්පාදනය බැරල් 206,000කින් වැඩි කිරීමට තීරණය කර තිබේ.
‘OPEC+’සන්ධානය පවසන්නේ එම රටවල් ඔවුන්ගේ ඒකාබද්ධ නිෂ්පාදනය වැඩි කිරීමත් සමග දිනක නිපදවන බැරල් ප්රමාණය බැරල් මිලියන 33.7ක් දක්වා ඉහළ දැමීමට හැකිවනු ඇති බවය.
කෙසේ නමුත් දිනක නිෂ්පාදනය වැඩිකළඳ ගුවන් ප්රහාරවලින් හානියට පත් බලශක්ති යටිතල පහසුකම් අලුත්වැඩියා කිරීමට දිගු කාලයක් ගතවනු ඇති බව එම සංවිධානය පවසයි.
එමෙන්ම යටිතල පහසුකම්වලට එල්ල වන ප්රහාර හෝ ජාත්යන්තර සමුද්රීය මාර්ග කඩාකප්පල් කිරීම් හරහා බලශක්ති සැපයුමට සිදුවන ඕනෑම බාධාවකින් වෙළෙඳපොළ අස්ථාවරත්වය තවදුරටත් වැඩි කරන බවට සංවිධානය අනතුරු ඇඟවීය.
මැදපෙරදිග යුද්ධයත් සමග ඉරානය හෝමූස් සමුද්ර සන්ධිය වසා දැමීම හේතුවෙන් ලෝකයේ තෙල් සැපයුමෙන් පහෙන් එකක් පමණ ගෝලීය වෙළඳපොළවලින් ඇණහිට ඇති බව විදෙස් වාර්තා පවසයි.
