ග්රීසියේ පැවැති ලෝක පාසල් චෙස් ශූරතා තරගාවලියේදී වයස අවුරුදු 9න් පහළ විවෘත බාලක ශූරතාව දිනා ගැනීමට කොළඹ ආනන්ද විද්යාලයේ තෙහස් රිත්මික කිරිංගොඩ ශිෂ්යයා සමත්වී තිබෙනවා.
ලෝක පාසල් කේවල චෙස් තරගාවලිය පසුගිය 14 දින සිට 22 දින දක්වා ග්රීසියේ රෝඩ්ස් නගරයේදී පැවැත්වී ඇති බවයි සඳහන් වන්නේ.
එහිදී අවුරුදු 9 න් පහළ බාලක ඉසව්වට ලොව පුරා ක්රීඩකයින් 61 දෙනෙක් සහභාගි වූ අතර, තරග වට 9 න් ලකුණු 7.5 ක් හිමි කරගනිමින් තෙහස් රිත්මික කිරිංගොඩ රන් පදක්කම දිනා ගැනීමට සමත්වී තිබෙනවා.
සංචාරක අයර්ලන්ත කණ්ඩායම හා ශ්රී ලංකා කණ්ඩායම අතර දෙවන ටෙස්ට් තරගය අද (24) පැවැත්වෙනවා. ඒ අනුව තරගයේ කාසියේ වාසිය දිනා ගැනීමට අයර්ලන්ත කණ්ඩායම සමත් වූ අතර ඔවුන් පළමුවෙන් පන්දුවට පහරදීමට තීරණය කළා. දෙරට අතර පැවති පළමු ටෙස්ට් තරගය ශ්රී ලංකා කණ්ඩායම ජය ගැනීමට සමත් වුණා.
කළුතර විද්යාලය සහ තිස්ස මධ්ය මහා විද්යාලය අතර “මැංගුස් සටන” වාර්ෂික මහා ක්රිකට් තරගය අද (21) සහ හෙට (22) පැවැත්වෙනවා.
ඒ අනුව මග්ගොන සරේ ක්රීඩාංගණයේදී මෙම ක්රිකට් තරගය පැවැත්වෙන බවයි සඳහන් වන්නේ.
මෙවර එම “මැංගුස් සටන” වාර්ෂික මහා ක්රිකට් තරගය පැවැත්වෙන්නේ 63 වන වරටයි.
සංචාරක අයර්ලන්ත කණ්ඩායම හා ශ්රී ලංකා කණ්ඩායම අතර පැවැත්වෙන පළමු ටෙස්ට් තරගයෙන් ඉනිමක හා ලකුණු 280 ක ජයක් ලබා ගැනීමට සත්කාරක ශ්රී ලංකා කණ්ඩායම සමත් වුණා.
තරගයේ කාසියේ වාසිය දිනාගත් ශ්රී ලංකා කණ්ඩායම පළමුවෙන් පන්දුවට පහරදීමට තීරණය කළ අතර එහිදී ශ්රී ලංකා කණ්ඩායම කඩුලු 6 ක් දැවී ලකුණු 591 ක් ලබා සිටියදී සිය ඉනිම අත්හිටුවීමට තීරණය කළා.
පන්දුවට පහරදීමේදී ශ්රී ලංකා කණ්ඩායම වෙනුවෙන් ක්රීඩකයින් සිව්දෙනෙක් ශතක වාර්තා කිරීමට සමත් වූ අතර නායක දිමුත් කරුණාරත්න, කුසල් මෙන්ඩිස්, දිනේෂ් චන්දිමාල් හා සධීර සමරවික්රම මෙලෙස ශතක වාර්තා කළා.
ඉන් අනතුරුව සිය පළමු ඉනිම සඳහා පන්දුවට පහරදීමට පිටියට පිවිසි අයර්ලන්ත කණ්ඩායම සිය පළමු ඉනිම සඳහා සියලු දෙනා දැවී ලකුණු 143 ක් ලබාගත් අතර විශිෂ්ට පන්දු යැවීමක නිරත වූ ප්රභාත් ජයසූරිය කඩුලු 7 ක් හා විශ්ව ප්රනාන්දු කඩුලු 2 ක් බිඳ හෙළීමට සමත් වුණා.
අනතුරුව යළිත් සිය දෙවන ඉනිම ක්රීඩා කළ අයර්ලන්ත කණ්ඩායමට සියලු දෙනා දැවී ලබාගත හැකිවූයේ ලකුණු 168 ක් පමණයි.
පනදු යැවීමේදී ශ්රී ලංකා කණ්ඩායම වෙනුවෙන් රමේෂ් මෙන්ඩිස් කඩුලු 4 ක්, ප්රභාත් ජයසූරිය කඩුලු 3 ක් හා විශ්ව ප්රනාන්දු කඩුලු 2 ක් බිඳ හෙළීමට සමත් වුණා.
සංචාරක අයර්ලන්ත කණ්ඩායම හා ශ්රී ලංකා කණ්ඩායම අතර පැවැත්වෙන පළමු ටෙස්ට් තරගයේ සිය පළමු ඉනිම ක්රීඩා කළ අයර්ලන්ත කණ්ඩායම ලකුණු 143 කට සීමාවී තිබෙනවා.
ඒ අනුව අයර්ලන්ත කණ්ඩායමට සිය පළමු ඉනිම සඳහා සියලුදෙනා දැවී ලබාගැනීමට හැකියාව ලැබුණේ ලකුණු 143 ක් පමණයි.
පන්දුවට පහරදීමේදී Lorcan Tucker ලකුණු 45 ක්, Harry Tector ලකුණු 34 ක් හා James McCollum ලකුණු 35 ක් ලබා ගත්තා.
පන්දු යැවීමේදී ශ්රී ලංකා කණ්ඩායම වෙනුවෙන් විශිෂ්ට පන්දු යැවීමක නිරත වූ ප්රභාත් ජයසූරිය කඩුලු 7 ක් හා විශ්ව ප්රනාන්දු කඩුලු 2 ක් බිඳ හෙළීමට සමත් වුණා.
ඒ අනුව සත්කාරක ශ්රී ලංකා කණ්ඩායම මේ වන විට අයර්ලන්ත පළමු ඉනිමට වඩා ලකුණු 448 ක් ඉදිරියෙන් පසුවනවා.
සිය දෙවැනි ඉනිම ක්රීඩා කරන අයර්ලන්තය මේ වනවිට කඩුළු 02ක් දැවී ලකුණු 24 ක් ලබා සිටිනවා.
ලකුණු පුවරුව පහතින්,
සංචාරක අයර්ලන්ත කණ්ඩායම හා ශ්රී ලංකා කණ්ඩායම අතර පැවැත්වෙන පළමු ටෙස්ට් තරගයේ පළමු ඉනිම ක්රීඩා කළ ශ්රී ලංකා කණ්ඩායම කඩුලු 6 ක් දැවී සිටියදී සිය ඉනිම අත්හිටුවීමට තීරණය කළා.
තරගයේ කාසියේ වාසිය දිනාගත් ශ්රී ලංකා කණ්ඩායම පළමුවෙන් පන්දුවට පහරදීමට තීරණය කළ අතර ඔවුන් සිය පළමු ඉනිම සඳහා ලකුණු 591 ක් ලබා ගත්තා.
ඒ අනුව පන්දුවට පහරදීමේදී ශ්රී ලංකා කණ්ඩායම වෙනුවෙන් ක්රීඩකයින් සිව්දෙනෙක් ශතක වාර්තා කිරීමට සමත් වූ අතර නායක දිමුත් කරුණාරත්න, කුසල් මෙන්ඩිස්, දිනේෂ් චන්දිමාල් හා සධීර සමරවික්රම මෙලෙස ශතක වාර්තා කළා.
ලකුණු පුවරුව පහතින්.
සංචාරක අයර්ලන්ත කණ්ඩායම හා ශ්රී ලංකා කණ්ඩායම අතර පැවැත්වෙන පළමු ටෙස්ට් තරගයේ දෙවන දිනයේදී ශතක දෙකක් වාර්තා කිරීමට දිනේෂ් චන්දිමාල් සහ සධීර සමරවික්රම සමත් වුණා.
ඒ අනුව දිනේෂ් චන්දිමාල් පන්දු 152 කින් සිය ශතකය වාර්තා කළ අතර ඒ සඳහා හතරේ පහර 12 ක් ඇතූලත් වුණා.
එසේම සධීර සමරවික්රම පන්දු 112 කින් සිය මංගල ටෙස්ට් ශතකය වාර්තා කළ අතර ඔහුගේ ශතකය සඳහා හතරේ පහර 12 ක් ඇතුළත් වුණා.
සංචාරක අයර්ලන්ත කණ්ඩායම සහ ශ්රී ලංකාව අතර තරඟ 02කින් සමන්විත ටෙස්ට් තරඟාවලියේ පළමු ටෙස්ට් තරඟය අද (16) ගාල්ල ජාත්යන්තර ක්රිකට් ක්රීඩාංගණයේ දී ආරම්භ වුණා.
එහිදී කාසිය වාසිය දිනා ගැනීමට ශ්රී ලංකා කණ්ඩායම සමත් වූ අතර ඔවුන් ප්රථමයෙන් පන්දුවට පහර දීමට තීරණය කළා.
ශ්රී ලංකාවට යළි ආසියානු රග්බි පූර්ණ සාමාජිකත්වය ලබාදීම සඳහා ආසියානු රග්බි සම්මේලනය තීරණය කර තිබෙනවා.
පසුගිය වසරේ අප්රේල් 01 දා නිකුත් කළ ගැසට් නිවේදනය අවලංගු කළ බව ක්රීඩා අමාත්යංශය නිල වශයෙන් තහවුරු කිරීමත් සමඟ යළි ආසියානු රග්බි පූර්ණ සාමාජිකත්වය ලබාදීමට තීරණය කර ඇති බවයි සඳහන් වන්නේ.
IPL ක්රිකට් තරගාවලියේ ඊයේ (12) Rajasthan Royals කණ්ඩායම හා Chennai Super Kings කණ්ඩායම අතර පැවති තරගයෙන් ලකුණු 3 ක ජයක් ලැබීමට Rajasthan Royals කණ්ඩායම සමත් වුණා.
තරගයේ කාසියේ වාසිය දිනාගත් Chennai Super Kings කණ්ඩායම පළමුවෙන් පන්දුවට පහරදීමට Rajasthan Royals කණ්ඩායමට ආරාධනා කළ අතර ඔවුන් සිය පන්දුවාර 20 තුළ කඩුලු 8 ක් දැවී ලකුණු 175 ක් ලබා ගත්තා.
ඒ අනුව පිළිතුරු ඉනිම ක්රීඩා කළ Chennai Super Kings කණ්ඩායමට සිය පන්දුවාර 20 තුළ කඩුලු 6 ක් දැවී ලබාගැනීමට හැකියාව ලැබුණේ ලකුණු 172 ක් පමණයි.
