ශ්රී ලංකා ක්රිකට් ආයතනය විසින් ශ්රී ලංකා ක්රිකට් තහනම් කරන ලෙස ජාත්යන්තර ක්රිකට් කවුන්සිලයෙන් ඉල්ලීමක් සිදුකර ඇති බව ක්රීඩා අමාත්ය රොෂාන් රණසිංහ පවසනවා.
ඒ අනුව 2023 නොවැම්බර් 07 වැනිදා ශ්රී ලංකා ක්රිකට් ආයතනය වෙත යොමුකළ ලිපියක් උපුටා දක්වමින් ක්රීඩා අමාත්යවරයා මේ බව සඳහන් කළා.
අද (19) පැවති විශේෂ මාධ්ය හමුවකට එක්වෙමින් ක්රීඩා අමාත්ය රොෂාන් රණසිංහ මේ බව සඳහන් කළා.
යල කන්නයේ වගා හානි සිදු වූ ගොවීන්ට වන්දි ලබා දීමේ පළමු අදියර වශයෙන් රුපියල් මිලියන 389ක් අද (19) සිට ගොවීන් අතර බෙදා දීමට රක්ෂණ මණ්ඩලය පියවර ගෙන තිබෙනවා.
ඒ අනුව ගොවීන් 250 දෙනෙකුට වන්දි පිරිනැමීම මහින්ද අමරවීර අමාත්යවරයාගේ ප්රධානත්වයෙන් සිදු කිරීමට නියමිත බවයි සඳහන් වන්නේ.
පසුගිය යල කන්නයේ අක්කර 65,000ක් නියඟයෙන් හානියට පත්වූ අතර, පසුව ඇති වූ වර්ෂාව හේතුවෙන් අස්වැන්න නෙළීමට ආසන්න ව තිබූ කුඹුරු අක්කර 11,000ක් විනාශයට පත්ව තිබුණා.
පැවති අධික වර්ෂාවත් සමඟ බදුල්ල ප්රධාන මාර්ගයේ 96 වැනි කිලෝමීටර් කණුව ආසන්නයේ පුහුල්පොළ ප්රදේශයේ දී ගල් සමඟ පස් කන්දක් නාය ගොස් තිබෙනවා.
ඊයේ (18) රාත්රියේ මෙම නාය යෑම සිදු වී ඇති අතර නාය යෑම හේතුවෙන් එම ස්ථානයෙන් මාර්ගය සම්පූර්ණයෙන්ම අවහිර වී ඇති බවයි සඳහන් වන්නේ.
මාර්ගයේ රථවාහන ධාවනය සම්පූර්ණයෙන්ම නතර වී ඇති අතර, බදුල්ල දෙසට යෑම සඳහා විකල්ප මාර්ග භාවිත කරන ලෙස වැලිමඩ පොලීසිය රියදුරන්ට දැනුම්දී සිටිනවා.
මහජන චීන සමූහාණ්ඩුවේ රාජ්ය උපදේශිකා ෂෙන් යින්කින් ශ්රී ලංකාවේ නිල සංචාරයක් සඳහා දිවයිනට පැමිණ තිබෙනවා.
ඇය සමග එරට තවත් උසස් නිලධාරීන් 18 දෙනෙකු ද පැමිණ ඇති බවයි සඳහන් වන්නේ.
එම දූත පිරිස පිළිගැනීම සඳහා ශ්රී ලංකාවේ චීන තානාපතිවරයා සහ ක්රීඩා, තරුණ කටයුතු සහ වාරිමාර්ග අමාත්ය රොෂාන් රණසිංහ, විදේශ කටයුතු රාජ්ය අමාත්ය තාරක බාලසූරිය ඇතුළු පිරිසක් පැමිණ තිබෙනවා.
“ජනතාව පෙළන, රට විකුණන වියරු දූෂිත පාලනය පන්නමු” යන මැයෙන් ජාතික ජන බලවේගය සංවිධානය කළ විරෝධතා රැළියක් අද (18) නුගේගොඩදී පැවැත්වුනා.
ජාතික ජන බලවේගයේ නායක අනුර කුමාර දිසානායකගේ නායකත්වයෙන් පැවැත්වූ “ජනබල විරෝධය” නම් මෙම රැළියට විශාල පිරිසක් සහභාගී වී ඇති බවයි වාර්තා වන්නේ.
හයිලෙවල් මාර්ගයේ ගම්සභා හන්දිය ආසන්න ප්රදේශයේ දැඩි රථවාහන තදබදයක් පවතින බව වාර්තා වෙනවා.
ජාතික ජන බලවේගය විසින් අද (18) සවස නුගේගොඩදී පැවැත්වීමට නියමිත ‘ජනබල විරෝධය’ නම් විරෝධතාවයට සහභාගී වීම සඳහා පා ගමනින් පැමිණෙන ජනතාව හේතුවෙන් මාර්ගය අවහිර වී ඇති බවයි වාර්තා වන්නේ.
වර්තමාන කෝප් කමිටුවේ සභාපති ගැන චෝදනා රාශියක් ඇති බවත්, නමුත් ඒ නිසා කෝප් කමිටුව වසා දැමීම ඊට විසඳුමක් නොවන බවත් පාර්ලිමේන්තු මන්ත්රී දයාසිරි ජයසේකර පවසනවා.
ලබන සඳුදා දින හෝ මෙය අවසන් කර, විපක්ෂයේ මන්ත්රීවරයෙකුට කමිටුව භාරදී, නිවැරදිව හා ගෞරවයක් ඇතුව කෝප් කමිටුව කරගෙන යාමට ඉඩදෙන ලෙසයි ඔහු කතානායකවරයාගෙන් ඉල්ලා සිටින්නේ.
කථානායකවරයාගේ අණකින් මේ දෙසැම්බර් මාසය වනතුරු සියළුම කෝප් කමිටු රැස්වීම් නවත්වා ඇති බවත්, එසේ නොවුනා නම්, මේ මාසයේ ආයතන ගණනාවක් ගෙන්වා කථා කරන්නට කාලය තිබුණු බවත් මන්ත්රීවරයා වැඩිදුරටත් පෙන්වා දෙනවා.
මෑතකදී වැඩි කරන ලද වැට් බද්ද බලශක්ති ක්ෂේත්රයෙන් අය නොකිරීම සඳහා සාකච්ඡා කරමින් ඇතැයි ආයෝජන ප්රවර්ධන රාජ්ය අමාත්ය දිලුම් අමුණුගම පවසනවා.
ඒ ගැන ජනාධිපතිවරයාගේද අවධානය යොමුව ඇති බවත්, ජාත්යන්තර මූල්ය අරමුදල සමගද ඒ පිළිබඳව සාකච්ඡා කරන බවත් අමාත්යවරයා වැඩිදුරටත් පවසා සිටිනවා.
යල කන්නයේ වගා හානි සිදු වූ ගොවීන් 250 දෙනෙකුට වන්දි පිරිනැමීම හෙට (19) සිදුකෙරෙන බව කෘෂිකර්ම අමත්යාංශය සඳහන් කරනවා.
ඒ අනුව, පළමු අදියර වශයෙන් රුපියල් මිලියන 389 ක මුදලක් ගොවීන්ට වන්දි වශයෙන් ලබාදීමට රක්ෂණ මණ්ඩලය පියවර ගෙන තිබෙනවා.
පසුගිය යල කන්නයේදී නියඟයෙන් අක්කර 65,000ක් හානියට පත්වූ අතර, අධික වර්ෂාව නිසා කුඹුරු අක්කර 11,000ක් විනාශයට පත්වූ බවට හානි තක්සේරු කර තිබෙන බවයි වැඩිදුරටත් සඳහන් වන්නේ.
කැළණිතිස්ස බලාගාරය නඩත්තු කටයුත්තක් හේතුවෙන් ඊයේ (17) සිට සති 06 ක් වසා දැමෙන බව වාර්තා වනවා.
බලාගාරයේ ගෑස් සහ වාෂ්ප ටර්බයිනයේ නඩත්තු කටයුතු සඳහා මෙසේ වසා දැමෙන බවයි වැඩිදුරටත් පැවසෙන්නේ.
