ශ්‍රී ලන්කන් ගුවන්සේවයේ අධ්‍යක්ෂ මණ්ඩලය ඉවත් කිරීම සම්බන්ධයෙන් ඊයේ පැවති කැබිනට් මණ්ඩල සාකච්ඡාවේදී කතාබහට ලක්වූ බව සම කැබිනට් ප්‍රකාශක සෞඛ්‍ය අමාත්‍ය රාජිත සේනාරත්න පැවසීය.
එසේම එම අධ්‍යක්ෂ මණ්ඩලය ජනාධිපතිවරයා සමග සාකච්ඡාවක් සදහා කැදවා ඇතැයිද ඒ සදහා තමාද සහභාගීවීමට බලාපොරොත්තු වන බවද හෙතෙම පැවසීය.
අද (ජුනි 14) පැවති කැබිනට් තීරණ දැනුම්දීමේ ප්‍රවෘත්ති සාකච්ඡාවේදී මේ සම්බන්ධයෙන් මාධ්‍යවේදීන් අසන ලද පැනයකට පිළිතුරුදෙමින් අමාත්‍යවරයා මේ බව සදහන් කළේය.
එසේම ශ්‍රී ලන්කන් ගුවන්සේවට සේවක සේවිකාවන් 1250ක් හිටපු ආරක්ෂක ලේකම් ගෝඨාභය රාජපක්ෂගේ අනුදැනුුම මත බදවා ගෙන ඇති බවද හෙතෙම අවධාරණය කළේය.
