සූර්ය්‍ය මංගල්‍යය ගැන කතා කිරීමට මේ සමය නොවේ නේදැයි ඔබ අසනු ඇත. කතාව ඇත්ත වුණත් සැමදා අපූර්වතමයන්ම සොයා යන බොස්ටන් ලංකා මේ අපූර්වතමයන්ගේ සැණකෙලි තතු කෙලෙසනම් මගහරින්නද?
පසුගිය අප්‍රේල් 27 වන දා වැලිවේරිය නගරයේ කාන්ති ක්‍රීඩා පිටියට සූර්්‍යය මංගල්‍ය උදා වූයේ නිර්ව්‍යාජත්වයෙන් පිරුණු මේ අපූර්වතමයන්ගේ සිනා සාදය සමගිනි. සූර්්‍යයාටත් වඩා ආලෝකමත් මේ සොදුරු සිතැත්තන්ගේ ලෙි සෙල්ලම් සහ සිනා සාගරය ගම්පහ දිස්ත්‍රික්කයේ විසල් ජනකායකගේ නෙත් සිත් පැහැර ගන්නට සමත් විය.
ගම්පහ අධ්‍යාපන කලාපයට අයත් පාසල් 11ක ඉගෙනුම ලබන විශේෂ අවශ්‍යතා ඇති දරුවන්ගෛ් දක්ෂතා විදහා දැක්වෙන මේ මහා මෙහෙයුම පිටුපස සිටින ගුරු බලකාය ඉටු කල මෙහෙවර නිම්හිම් නැත.
මේ අපූරු සූර්යය සැණකෙළිය පිළිබද බොස්ටන් ලංකා වෙත දැනුම් දුන් ඒ බලකායේ නඩේ ගුරෙකු වන වැලිවේරිය මද්දුම බණ්ඩාර විදුහලේ විශේෂ අවශ්‍යතා ඒකකයේ කේ.ග්‍රේටා ප්‍රනාන්දු මහත්මිය තම සිසු බලකායේ දක්ෂතා විස්තර කලේ ඉමහත් ආඩම්බරයෙනි.
“මේ දරුවන් නිසි පරිදි කුඩා කාලයේ සිටම පුහුණු කළොත් ඔවුන්ටත් අනිත් දරුවන්ට වගේම මෙ ්සමාජෙත් එක්ක උරෙන් උර ගැටෙන්න පුළුවන්. ඒක මේ අවුරුදු උළෙල දැකපු ඕනම කෙනෙකුට හොදම සාක්ෂියක්.”
