මරණ දණ්ඩනය ලැබු හිටපු පාර්ලිමේන්තු මන්ත්‍රී දුමින්ද සිල්වා අද (06)කොටුව මහේස්ත්‍රාත් අධිකරණය වෙත ඉදිරිපත් කළේ ය.
ඒ දුමින්ද සිල්වාට එරෙහිව අධිකරණයේ ගොනුකර තිබුණු වත්කම් බැරකම් සම්බන්ධයෙන් පැවති නඩුව විභාගයට සම්බන්ධයෙනි.
අල්ලස් හෝ දුෂණ චෝදනා විමර්ශන කොමිසන් සභාව 2011, 2013 සහ 2014 වසර වලදී පාර්ලිමේන්තු මන්ත්‍රීවරයෙකු ලෙස කටයුතු කරමින් සිටිය දී වත්කම් බැරකම් ප්‍ර‍කාශ හෙළි නොකිරීමට එරෙහිව මෙම නඩුව ගොනු කර තිබුණි.
අසනීප තත්ත්වයෙන් සිටින ඔහු අධිකරණයට පැමිණියේ රෝද පුටුවකින් බව ද වාර්තා වේ.
අදාළ නඩුවේ වරද පිළිගැනීමෙන් අනතුරුව දුමින්ද සිල්වාට රුපියල් 3000ක දඩ මුදලක් නියම කර තිබෙන බව ද අනාවරණය වේ.
