නවසීලන්තය සමග හෙට (25) පැවැත්වෙන පළමු එක්දින ක්‍රිකට් තරගයේ දී තමා අංක 7 ස්ථානයේ පන්දුවට පහර දීම ප්‍රතික්ෂේප කළ බවට පලවන සමාජ මාධ්‍ය වාර්තා අසත්‍ය බව ශ්‍රී ලංකා ක්‍රීඩක ධනංජය ද සිල්වා පවසනවා.
තමා සැමවිටම කණ්ඩායම වෙනුවෙන් ක්‍රීඩා කරන ක්‍රීඩකයෙකු බවයි Twitter පණිවිඩයක් නිකුත් කරමින් ඔහු සඳහන් කරන්නේ.
හෙට නවසීලන්තය සමඟ පැවැත්වෙන පළමු එක්දින තරගයේදී ධනංජය ද සිල්වා අංක 7 ස්ථානයේ පන්දුවට පහරදීම ප්‍රතික්ෂේප කර ඇති බවත්, ඒ හේතුවෙන් කණ්ඩායමේ ස්ථානය ද ඔහුට අහිමි වී ඇති බවයි සමාජ මාධ්‍ය වාර්තා සඳහන් කර තිබුණේ.
