තමාගේ අත්වල ලේ තවරාගෙන නැති බවද සාමය උදා කරදුන් රටේ නැවත ලේ වගුරනවාට තමා කැමති නැති බවද හිටපු ජනාධිපති මහින්ද රාජපක්ෂ පවසනවා.
අරගලයෙන් නැත්තටම නැතිවීමට ගිය රට බේරුණේ ජනතාව දුන් ජනවරම නිසා බවට තමා විශ්වාස කරන අතර එම ජනවරම ආරක්ෂා කරගෙන රට වැටීමට ගිය ආගාධයෙන් ගොඩගන්නට හැකියාව ලැබුණු බවයි ඔහු සඳහන් කළේ.
අරගලයට මුවා වී තම පාක්ෂිකයන්ට පහර දුන් බවද, ගේ දොර ගිනි තැබීමට ලක්වූ අයට තවමත් සාධාරණයක් ඉටු වී නැති බවද ඔහු පවසා සිටියා.
මේ කාරණා සම්බන්ධයෙන් කොමිෂන් සභාවක් පත්කර විමර්ශණයක් පැවැත්විය යුතු බවට තමා විශ්වාස කරන බවයි ඔහු සඳහන් කළේ.
