Category: news_sub

සටහන – පාලිත අබේලාල් – palithaabelal@gmail.com

Little Hearts (පුංචි හදවත්) කියන්නෙ කොළඹ රිජ්වේ ආර්යා ළමා රෝහලේ හෘද රෝග ඒකකය සඳහා අංග සම්පූර්ණ දැඩිසත්කාර ඒකක සංකීර්ණයක් සහිතව මහල් දහයකින් යුතු ගොඩනැගිල්ලක් ඉදි කිරීමට අවශ්‍ය අරමුදල් රැස් කර ගැනීම සඳහා දියත් කළ දැවැන්ත ව්‍යාපෘතියක්.  ඒ සද් කාර්යය සඳහා මුල් ගල් තැබීම පසුගියදා සිදුවුණා. රටක් වටින මේ ආරංචිය ගැන තවත් ටිකක් විපරම් කරමින් ගිය බොස්ටන් ලංකා අපි නතර වුණේ ළමා හෘදරෝග විශේෂඥ වෛද්‍ය දුමින්ද සමරසිංහ මහතා ඉදිරිපිට.

මෙවැනි දැඩිසත්කාර ඒකක සංකීර්ණයක් අවශ්‍ය වන්නේ ඇයි?

ශ්‍රී ලංකාවේ වසරකට උපදින දරුවන්ගෙන් 3000ක් පමණ දෙනා හෘදාශ්‍රිත රෝග වලට ගොදුරුවෙනව. ඒ අතරින් 2500 දෙනෙකුට විතර ප්‍රතිකර්ම අවශ්‍ය වෙනවා. නමුත් දැනට අප හෘද රෝග ඒකකයේ පවතින් පහසුකම් අනූව කළ හැකිව ඇත්තේ වසරකට විවෘත්ත හදවත් සැත්කම් 1000ක් සහ කැතීටර්කරණ මගින් කරන ප්‍රතිකර්ම 700ක් පමණයි. එකම දරුවෙකුට සැත්කම් කිහිපයක් කිරීමට අවශ්‍ය වීමත්, ඇතැම් සැත්කම් සඳහා දීර්ඝ කාල වේලාවක් ගතවීමත් යන කරුණු නිසා වසරකට අවම වශයෙන් විවෘත්ත හදවත් සැත්කම් 2000ක් සහ කැතීටර් මගින් කරන ප්‍රතිකර්ම 1000ක් අප විසින් කළ යුතුයි. මෙම නව ශල්‍ය හා දැඩිසත්කාර සංකීර්ණය මගින් එම ඉලක්කයට ළඟා විය හැකියි.

දැනට රිජ්වේ ආර්යා ළමා රෝහලේ මේ ප්‍රතිකාරයන් සිදුකරන්නේ කොහොමද?

මෙම මට්මමේ රෝහලක, මුළු ඇඳන් ගණනට සාපේක්ෂව අවම වශයෙන් 10-30% අතර ප්‍රමාණයකවත් ඇඳන් ප්‍රමාණයක් දැඩිසත්කාර ඒකකයේ තිබිය යුතුයි. නමුතු අප ළමා රෝහලේ මුළු ඇඳන් ප්‍රමාණය 900ට වැඩි ගණනක් වුණත් දැඩිසත්කාර එක්කයේ තිබෙන්නේ ඉන් 1-2% ඇඳන් ප්‍රමාණයක් පමණි. මෙම ඇඳන් ගණන කොහෙත්ම ප්‍රමාණවත් නොවෙන නිසා දැඩිසත්කාර ප්‍රතිකාර අවශ්‍ය  රෝගී දරුවන්ගෙන් 60%ක් ම එම ඒකකයෙන් හරවා යැවීමට සිදු වෙනවා. ඒ හේතුව නිසා ම ජීවිත අවධානමක් ඇති අසාධ්‍ය තත්වයේ පසුවන දරුවන්ව පවා සාමාන්‍ය වාට්ටුවල තබා ප්‍රතිකාර කිරීමට සිදුවී තිබෙනවා.අපගේ ගණන් බැලීමට අනුව නම්,ළමයින් 1000 – 1500 අතර පිරිසක්, ප්‍රතිකාර ලැබීමේ පහසුකම් නොමැති නිසාම, හෘද රෝග සහ වෙනත් අසාධ්‍ය රෝග තත්ත්ව හේතුවෙන් මිය යනවා.අලුතින් දැඩිසත්කාර සංකීර්ණයක් ගොඩනැගීමෙන් මෙවන් හේතු නිසා මිය යන බොහෝ ළමුන් බේරා ගැනීමට හැකියාව ලැබෙනවා.ඉංජිනේරුමය කාර්යයන් පිළිබඳ මධ්‍යම උපදේශක කාර්යාංශය (CECB) කල ගණන් බැලීමට අනුව රුපියල් මිලියන දෙදහසක පමණ මුදලක් මේ කාර්යය සදහා වැයවෙනවා.

අරමුදල් රැස්කිරීමේ සැලසුම මොනවාද?

ප්‍රධාන වශයෙන්ම බලාපොරොත්තු වන්නේ, විශාල සංඛ්‍යාවක් ලාංකිකයින්ගෙන් කුඩා මුදල් ප්‍රමාණ එකතු කරගැනීම. නමුත්, විශාල පරිත්‍යාගත් සතුටින් භාරගන්නවා. ඒ සඳහා ලංකා බැංකුවේ බොරැල්ල ශාඛාවේ79738633 යටතේ ගිණුමක් ආරම්භ කරලා තියෙනවා. මීට අමතරව අපගේ වෙබ් අඩවිය වනwww.littlehearts.lkමඟින්ද මේ ව්‍යාපෘතියට ඔබට හැකි ආකාරයෙන් මුදල් තැන්පත් කිරීමෙන් මේ උත්තරීතර කාර්යය සමඟ සම්බන්ධ වීමේ හැකියාව ලැබී තියෙනවා.අප යෝජනා කරනවා ජාතික වගකීමක් ඇති කර්තව්‍යයක් හැටියට ‘Little Hearts – බිළිඳු හදවත්’ ව්‍යාපෘතිය සියලු සමාගම් විසින් තම ආයතනික සමාජ වගකීමට අනුකුල ව්‍යාපාරය ලෙස 2017දී තෝරාගෙන මෙම ජීවිත බේරාගැනීමට කටයුතු කරන්න කියලා.

අරමුදල් රැස්කිරීමේ පටන් ගොඩනැගිල්ල ඉදිවනතුරු පටිපාටිය මොන වගේද?

ලංකාවේ ළමා සෞඛ්‍යය පිළිබඳ ප්‍රධාන ආයතනය ශ්‍රී ලංකා ළමා විශේෂඥ වෛද්‍යවරුන්ගේ විද්‍යායතනය. මෙහි සාමාජිකයන් ළමා රෝග ක්ෂේත්‍රයේ ප්‍රමුඛයන් වෙන නිසාSLCP ප්‍රමඛත්වය ගෙන මෙම අරමුදල් රැස්කිරීම සිදුකරන අතර,තවත් ආයතන කිහිපයක් සහ පුද්ගලයින් කිහිප දෙනෙක් ඔවුන් හා අත්වැල් බැඳගෙන මෙම කර්තව්‍යයේ නියැලෙනව. මෙහි ගණකාධිකරණ කටයුතු සිදුකරන්නේ ලොව ප්‍රචලිත KPMGසමාගමයි. මෙහි රැස්වන සියලු මුදල් යොමු කරන්නෙජාතික සෞඛ්‍ය වර්ධන අරමුදලට (NHDF). ගොඩනැගිලි ඉදිකිරීමට අවශ්‍ය පහසුකම් NHDF විසින් සලසා දෙන අතර, එහි සැලසුම්, නිර්මාණය, වියදම් ගණනය, යනාදී සියලු වගකීම් CECB සතු වෙනව. මෙම පුර්ණ ක්‍රියාදාමයම SLCP අධීක්ෂණය යටතේ, පූර්ණ විනිවිදභාවයකින් සිදු වෙන්නෙ.

මෙම කාර්යයට මෙතෙක් ලැබුණු සහය ගැන තෘප්තිමත්ද?

100% ම ඔව්. අප සිතුවාට වඩා දහස් ගුණයකින් අපට බොහෝ දෙනෙකුගෙන් සහයෝගය ලැබුන.මාධ්‍ය මගින් ලැබුණු සහය සිහිපත් කලයුතුමයි. ඒ නිසා මහජනතාව දැනුවත් කරලීමට වගේම ඒ අයගේ සහය ලබාගැනීමටත් හැකිවුනා. මේ ගැන අපිත් එක්ක කතාකළ සියල්ලන්ම, ස්වේච්ඡාවෙන් ඔවුන්ගේ සහය ලබාදුන්නා. අපේ කැට පෙරහැර මේකට හොඳ උදාහරණයක්. අප ඒක සැලසුම් කළේ උදේ 8 සිට සවස 4වනතුරු පවත්වන්න. නමුත් දූ දරුවන් හා වැඩිහිටියන් බෙහෝ දෙනෙක් උදේ 7 සිට සවස 6 වනතුරු  නොනවත්වාම අපට කැට ගෙනාවා. මේක ආරම්භය පමණයි. අපේ අත්දැකීමුත් එක් කරගෙන අපට නොකඩවා මේ දේ කරගෙන යන්න පුළුවන් වුණොත්, අපට මේ ව්‍යාපෘතිය සාර්ථක කරගන්න පුළුවන් වෙයි.

ව්‍යාපෘතියේ වත්මන් තත්ත්වය කොහොමද?

අතිගරු ජනාධිපති තුමා විසින් මෙහි මූලික වැ කටයුතු සඳාහා රු. මිලියන 300 ක මුදලක් අපිට ලබාදුන්නා. ඒ වගේම ශ්‍රී ලංකා නාවික හමුදාව ඉදිකිරීම් කටයුතු සඳහා සහයෝගය ලබාදෙනව. අප්‍රේමාසය ආරම්භ වනවිට අපට සියළුම දෙනාගේ සහභාගීත්වයෙන් පළමු මිලියන 100 සම්පූර්ණ කිරීමට හැකිවුනා. මේ ශක්තියත් එක්ක අපි මේ මාසේ මුල් සතියේම මුල් ගල් තබමින් ඉදිකිරීම් කටයුතු ආරම්භකලා.

මේ ව්‍යාපෘතියට මම දායක විය යුත්තේ ඇයි?

ඔබගේ දරුවකු රෝගාතුර වූවොත්, එම දරුවාට දැඩි සත්කාර ඒකකයේ ඇඳක් ලැබීමේ ප්‍රතිශතය 30%ක් පමණයි. එම දරුවාට හදවතේ සිදුරක් යැයි රෝග නිශ්චය වූවොත් නිසි වෙලාව තුළ දී ශල්‍යකර්මය සිදුවීමේ ප්‍රතිශතය 50%. ළමයාට නිසි කළ ප්‍රතිකාර නොලැබීමේ හෝ ජීවිත අවදානමක් ඇතිවීමේ 50-70% අතර සම්භාවිතාවක් තියෙනවා. ඒ ඔබේ දරුවා පමණක් නොවෙයි, ඥාති දරුවෙක්, සේවකයකුගේ දරුවෙක්, මේ කවරෙක් වුව ද විය හැකියි. ඒ එම දරුවාගේ ජීවිතය බේරාගැනීම අපේ වගකීමක්.

මෙතන ප්‍රශ්නය ඉතාම සරලයි. අනාගත දරුපරපුර වෙනුවෙන් මේ ව්‍යාපෘතිය සාර්ථක විය යුතුද? ඔව් නම්,ඔබත් දායක වන්න.

සියළුම විමසීම් සඳහා

දුරකථන – +94112683178/ +94115300700

ජංගම – +94716441122

ෆැක්ස් – +94112684625

ඊ මේල් – info@littleheart.lk

රජයේ අමාත්‍යවරුන්ට වාහන ගැනීමට ඉදිරිපත්  කරන පරිපූරක ඇස්තමේන්තු අනුමත කළ නොහැකි බව මුදල් කාරක සභාව විසින් කථානායක, කරූ ජයසූරිය මහතාට දන්වා තිබේ.

රජයේ ඇමතිවරුන් මේවන විට භාවිතා කරනු ලබන වාහන පිළිබඳ වාර්තාවක් ලබාදෙනතුරු අමාත්‍යවරුන්ට නව වාහන මිලදී ගැනීම නතර කරන ලෙස රාජ්‍ය මුදල් කාරක සභාව විසින් අයවැය දෙපාර්තමේන්තුවෙන් ඉල්ලා ඇති බව, රජයේ මුදල් පිළිබඳ කාරක සභාවේ වාර්තාවක් පාර්ලිමේන්තුවට ඉදිරිපත් කරමින් එහි සභාපති එම්.ඒ සුමන්දිරන් මහතා විසින් කථානායකවරයාට දන්වා ඇත.

පරිපූරක ඇස්තමේන්තු දෙකක් මගින් ඇමතිවරුන් පිරිසකට වාහන ලබාගැනීමට පසුගියදා පාර්ලිමේන්තුවේ අනුමැතිය හිමිවූ අතර රජයේ මුදල් පිළිබඳ කාරක සභාව විසින් මෙලෙස එය තාවකාලිකව අත්හිටුවා ඇති බව අද දෙරණ පාර්ලිමේන්තු වාර්තාකරු පවසයි.

2015 ජනවාරි මාසයේ සිට ඇමතිවරුන් ලබාගෙන ඇති වාහන හා ඒවායේ වත්මන් තත්ත්වය සම්බන්ධයෙන් වාර්තාවක් ලබාදෙන ලෙස අයවැය පිළිබඳ දෙපාර්තමේන්තුවේ අධ්‍යක්ෂ ජනරාල් වරයාට දැනුම්දී ඇති බව මෙහිදී තහවුරු වී තිබේ.

ඉකුත් (19) සිකුරාදා දින දෙරණ රූපවාහිනියේ ප‍්‍රවෘත්ති නිවේදිකාවක් පැහැරගෙන ගොස් නිරුවත් කර ඡයාරූප ගෙන පසුව මහමග අතහැර දමා ගොස් ඇති පුවතක් වාර්තා වේ.

අදාල නිවේදිකාව විසින් මේ සම්බන්ධව පොලිසියට පැමිණිල්ලක් ඉදිරිපත් කර ඇති බවද වැඩිදුර ආරංචිමාර්ගවලින් අනාවරණය වී ඇත.

සුදු වෑන් රියකින් පැමිණි පිරිසක් විසින් ගිනි අවි පෙන්වා මෝටර් රියෙන් නිෂ්පාදකයා හා නිවේදිකාව බලහත්කාරයෙන් බස්වාගෙන පැහැරගැනීම සිදු කර ඇත.

පසුව වැඩසටහන් නිෂ්පාදකයා ඉදිරියේම  ඇගේ නිරුවත් පින්තූර ගෙන ඇය සතුව තිබූ රන් ආබරණද කොල්ල කා කොට්ටාව දුම්රියපල අසලට ආපසු ගෙන ගොස් දමා තිබේ.

නිෂ්පාදකවරයාගේ මෝටර් රථය මේ වන තෙක් සොයාගෙන නැති බවද වැඩිදුරටත් වාර්තා වේ.

‘දෙරණ ස්ටාර් සිටි’ තරගයේ පෙරහුරු වැඩසටහනට සහභාගී වී සිටි මෙම නිවේදිකාව අදාල වැඩසටහනේ වැඩසටහන් නිෂ්පාදකයෙකු සමග ඔහුගේ මෝටර් රියෙන් නිවස බලා යද්දී මෙම පැහැර ගැනීම සිදුව ඇත්තේ මහරගම රත්මල්දෙනිය ප‍්‍රදේශයේදීය.

ශ්‍රී ලංකාවේ මුස්ලිම් පල්ලිවලට එල්ලවන ප්‍රහාර සම්බන්ධයෙන් වහාම පියවර ගැනීමට ශ්‍රී ලංකා ආණ්ඩුව කටයුතු කරනු ඇතැයි බලාපොරොත්තුවන බව ඇමෙරිකා එක්සත් ජනපදය පවසයි.

ට්විටර් පණිවුඩයක් නිකුත්කරමින් ඒ බව පවසන කොළඹ සිටින ඇමෙරිකානු තානාපති අතුල් කෙෂප්, ඕනෑම ආගමික ස්ථානයකට එල්ලවන ප්‍රහාර හෙලා දැකිය යුතු බවත් සඳහන් කරයි.

තානාපතිවරයා ඒ බව සඳහන් කරන්නේ ඉරිදා (මැයි 21) අලුයම කුරුණෑගල මාලිගාපිටියේ ජුම්මා මුස්ලිම් පල්ලියට එල්ල වූ පෙට්‍රෝල් බෝම්බ ප්‍රහාරය පිළිබඳ ට්විටර් පණිවුඩයකට සිය ප්‍රතිචාරය දක්වමිනි.

පල්ලියේ දහම් අධ්‍යාපන කටයුතු සිදු කරන ශාලාවට එල්ල වී ඇති ප්‍රහාරය පිළිබඳව පොලිසිය පරීක්ෂණ පවත්වමින් සිටියි.

මේ සතිය ඇතුලත ශ්‍රී ලංකාවේ මුස්ලිම් පල්ලි තුනකට මේ ආකාරයෙන් ප්‍රහාර එල්ල වූ බව පෙන්වා දෙන ඇමෙරිකානු තානාපතිවරයා, මේ ප්‍රහාරවලට සම්බන්ධ පුද්ගලයන් ඉක්මනින් අත්අඩංගුවට ගෙන දඬුවම් පැමිණවීමට ශ්‍රී ලංකා බලධාරීන් කටයුතු ඇතැයි යන්න සිය බලාපොරොත්තුව බවත් සඳහන් කරයි.

බීබීසී

ශ්‍රී ලංකා යුද හමුදාවේ සේවයේ නිරතව සිටියදී ආබාධිත වූ සෙබළුන් පිරිසකට වරප්‍රසාද අහිමි කළ බවට එල්ල වූ චෝදනාවක් සම්බන්ධයෙන් කරුණු දැක්වීම පිණිස ආරක්ෂක ලේකම් කරුණාසේන හෙට්ටිආරච්චි සහ හමුදාපති ලුතිනන් ජනරාල් ක්‍රිශාන්ත ද සිල්වා සඳුදා (මැයි 22) ජාතික මානව හිමිකම් කොමිසම හමුවේ පෙනී සිටීමට නියමිතය.

ක්‍රියාන්විත සේවයේ නිරතව සිටියදී සෘජු එල්ටීටීඊ ප්‍රහාරයකට ලක් නොවූවත්, ගැටුම්වලට සම්බන්ධ සෙසු ක්‍රියාකාරකම්වලදී ආබාධිත වූ තමන්ට වයස අවුරුදු 55 තෙක් හිමි වැටුප් සහ දීමනාත්, ඉන්පසුව විශ්‍රාම ගැනීමේ හිමිකමත් අහිමි කළ බවට චෝදනා කරමින් ආබාධිත සෙබළුන් පිරිසක් මානව හිමිකම් කොමිසමට පැමිණිලි කර තිබේ.

යුද හමුදා ගැමුණු හේවා බළඇණියේ සේවයේ නිරතව සිටියදී එසේ ආබාධිත වූ සෙබළුන් වෙනුවෙන් පසුගිය වසරේ සැප්තැම්බරයේ එම පෙත්සම ගොනු කරනු ලැබුවේ කෝප්‍රල් ආර්ඩී විමලසේන ඇතුළු පිරිසක් විසිනි.

ආරක්ෂක ලේකම්වරයා සහ හමුදාපතිවරයා එම පෙත්සමේ වගඋත්තරකරුවෝය.

ඔවුන් “මව්බිමේ නොසලකා හැරි සෙබළුන්ගේ එකමුතුව” නම් සංවිධානයක්ද පිහිටුවාගෙන තිබේ.

ඔවුන්ගේ පෙත්සම විභාග කිරීමට තීරණය කළ ජාතික මානව හිමිකම් කොමිසම සඳුදා කොමිසම හමුවේ පෙනී සිටින මෙන් පසුගියදා ඔවුන්ට සිතාසි නිකුත් කළේය.

සක්‍රීය සේවයේ නිරතව සිටියදී ප්‍රහාරවලට සෘජුව සම්බන්ධ නොවන ක්‍රියාකාරකම් හේතුවෙන් ආබාධිත වූ තමන් 20% ත් 30% ත් අතර ආබාධ සහිත පුද්ගලයන් බවට වෛද්‍යවරුන් විසින් සහතික කරනු ලැබ තිබියදීත් යුද හමුදා බලධාරීන් විසින් තමන් අත්හැර දමා ඇති බවට පෙත්සම්කරුවෝ චෝදනා කරති.

ඔවුන් ආබාධිත වී තිබෙන්නේ සක්‍රීය සේවයේ නිරතව සිටියදී සතුන්ගේ ප්‍රහාරවලට ලක්වීම, වැව් හෝ ගංගා ඇළදොළ ආදියේ වැටී තුවාල සිදුවීම, රිය අනතුරු සහ ගස් නගිද්දී ඇද වැටීම වැනි කරුණු හේතුවෙනි.

ශ්‍රී ලංකා ගුවන් හමුදාව සහ නාවික හමුදාවේ ස්වයේ නිරතව සිටියදී තමන් හා සමාන ආබාධිත තත්වයන්ට පත් වූ පිරිස සියළු වැටුප්, දීමනා සහ විශ්‍රාම වැටුප් හිමිකම් සහිතව විශ්‍රාම ගන්වා තිබෙන බවත් පෙත්සමේ සඳහන් වේ.

එබැවින් සෘජු ගැටුම්වලදී ආබාධිත වූ සෙබළුන්ට සහ නිලධාරීන්ට ලබා දුන් වැටුප් සහ දීමනා තමන්ටද ලබා දෙන මෙන් වග උත්තරකරුවන්ට නියෝග කරන්නැයි පෙත්සම්කරුවෝ මානව හිමිකම් කොමිසමෙන් ඉල්ලා සිටිති.

ප්‍රජාතන්ත්‍රවාදී වාමාංශික පෙරමුණේ නායක, එජනිස පාර්ලිමේන්තු මන්ත්‍රී වාසුදේව නානයක්කාර මහතා හදිසි හෘදයාබාධ තත්ත්වයක් හේතුවෙන් රෝහල් ගත කර තිබේ.

පසු ගිය දිනවල සෙම් තත්ත්වයන් හා සුළු ඇදුම රෝගී තත්ත්වයක් වෙනුවෙන් බාහිර ප්‍රතිකාර ලබමින් සිටියත්, හදිසියේම ඇති වූ හෘදයාබාධ තත්ත්වය නිසා රෝහල් ගත කිරීමට සිදුවූ බව පක්ෂයේ ජ්‍යෙෂ්ඨයෙක් සඳහන් කළේය.

කෙසේ වෙතත් කොළඹ මහ රෝහලේ අධ්‍යක්ෂ වෛද්‍ය අනිල් ජාසිංහ මහතා කියා සිටියේ මන්ත්‍රීවරයා හෘද රෝගී සත්කාර ඒකකයේ ප්‍රතිකාර ලබන බව හා ඔහුගේ තත්ත්වය බරපතළ නොවන බවයි.

වකුගඩුවක් ගලවාගන්නා තුරු මෙරටට එන්නට නොදී සෞදි රටේ නිවසක සිරකරගෙන සිටින තම මව ගෙන්වා දෙන්නැයි කුඩා දියණියන් තිදෙනකු රජයෙන් ඉල්ලා සිටියි .

මෙසේ සවුදි නිවසක සිරකර ඇත්තේ දඹුල්ල, කණ්ඩලම පාර ප්‍රදේශයේ පදිංචි ඩබ්ලිව් .ඩබ්ලිව් .ඉන්ද්‍රකාන්ති (36) තිදරු මවකි .මේ මව තමන් පත්ව ඇති අනතුර පිළිබධව ඉතා කෙටියෙන් සඳහන් කොට කුඩා වීඩියෝවක් පසුගියදා අන්තර්ජාලයට එක්කොට තිබිණි .එය දුටු කණ්ඩලම පාර ප්‍රදේශයේ පදිංචි තරුණයකු වූ කුමාර ඉහළගෙදර මහතා විසින් මේ කාන්තාවගේ නිවස සොයාගෙන ගොස් මේ බව මාධ්‍ය දැනුවත් කිරීමත් සමඟ මේ සිද්දිය අනාවරණය කර ගැනීමට හැකිවී තිබේ .

එමෙන්ම මෙම කාන්තාවගේ කුඩා දියණියන් දෙදෙනා අහාර නොමැති  බැවින්  පාසල් ගමන නැවතී ඇති අතර සිය මව විසින් එවන ලද මුදල් වලින් නිවසක් කුලියට ගෙන සිටින බවත් දැන් මුදල් නොමැති නිසා සියල්ල අහිමි වී ඇති බවත් අප වාර්තාකරු වෙත පවසා තිබේ .

මේ දරුවන්ගේ මිත්තනිය වන ස්වර්ණා ජයසිංහ මහත්මිය මේ බව  විදේශසේවා නියුක්ති කාර්යංශයට පැමිණිලි කළ බවත් ඒ අවස්ථාවේ වකුගඩු ඉල්ලන කතාව් නොකියන ලෙස දැනුම් දුන් බවද මෙතෙක් පැමිණිල්ල විභාග නොකළ බවත් මාධ වාර්තා අනාවරණ කර සිටියි.

වැල්ලවත්ත ප්‍රදේශයේ පසුගියදා කඩා වැටුණු ගොඩැඟිල්ලේ හිමිකරු රක්ෂිත බන්ධනාගාර ගත කර තිබේ.

ගල්කිස්ස මහේස්ත්‍රාත් අධිකරණය වෙත ඉදිරිපත් කළ ඔහු ලබන 26 වැනිදා දක්වා රක්ෂිත බන්ධනාගාර ගත කිරීමට නියෝග කර ඇති බව වැල්ලවත්ත පොලීසිය පැවසුවේය.

පසුගිය බ්‍රහස්පතින්දා දිනයේ වැල්ලවත්ත ප්‍රදේශය් ඉදිකෙරෙමින් පැවති ගොඩනැඟිල්ලක් කඩා වැටුණු අතර සිද්ධියෙන් පුද්ගලයින් තිදෙනෙකු මියගොස් තවත් 21 දෙනෙකු තුවාල ලැබීය.

ඒ අනුව අදාළ ගොඩනැගිල්ලේ හිමිකරු ඊයේ(21) පස්වරුවේ වැල්ලවත්ත පොලීසියට බාරවීමෙන් අනතුරුව අත්අඩංගුවට ගනු ලැබීය.

මේ අතර කඩා වැටුණු ගොඩනැඟිල්ලේ සුන්බුන් අතර සිරවී සිටින බව කියන කාන්තාවක් සොයා මුදාගැනීමේ මෙහෙයුම් තවදුරටත් ක්‍රියාත්මක බව පොලීසිය පැවසුවේය

වැල්ලවත්ත ගොඩනැඟිල්ලක් කඩා වැටීමෙන් අතුරුදන්ව සිටි තරුණයෙකුගේ මළ සිරුරක් සොයාගෙන තිබේ.

පොලිස් මූලස්ථානය සඳහන් කළේ අද (20)පස්වරුවේ සිදුකළ මෙහෙයුම් වලදී අදාළ තරුණයාගේ මළ සිරුර සොයාගැනීමට හැකි වූ බවය.

පොලීසිය සහ ගිනි නිවන දෙපාර්තමේන්තුවේ අතිරේක කණ්ඩායම් යොදවා මෙම මෙහෙයුම් කටයුතු අද(20) දිනයේ සිදුකරනු ලැබීය.

පසුගිය 18 වනදා මෙම වැල්ලවත්තතේ පිහිටි ඉදි කෙරෙමින් පවතින ගොඩනැඟිල්ල කඩා වැටීමෙන් එක් පුද්ගලයෙකු ජීවිතක්ෂයට පත්වූ අතර තවත් 21 දෙනෙකු තුවාල ලැබීය.

මේ අතර මහානගර හා බස්නාහිර සංවර්ධන අමාත්‍ය  පාඨලී චම්පික රණවක මහතා ඇතුළු කණ්ඩායමක් මෙම ගොඩනැඟිල්ල පිහිටි ස්ථානය නිරීක්ෂණය කර තිබේ.

මේ අතර වැල්ලවත්ත ප්‍රදේශයේ ඇල රක්ෂිතයේ පිහිටි අනවසර ඉදිකිරිම් මාස තුනක් ඇතුළත කඩා ඉවත් කරන ලෙස අමාත්‍ය පාඨලී චම්පික රණවක මහතා උපදෙස් ලබාදි ඇති බව ශ්‍රී ලංකා ඉඩම් ගොඩකිරීමේ හා සංවර්ධනය කිරීමේ සංස්ථාවේ සභාපති අසේල ඉද්දවෙල මහතා සඳහන් කළේය.