රජයේ නව බදු ප්රතිපත්තිය හේතුවෙන් ශ්රී ලංකාව වෘත්තිකයන්ගෙන් තොර රටක් බවට පත්විය හැකි බව සමස්ත ලංකා වෛද්ය නිලධාරීන්ගේ සංගමය පවසනවා.
ඒ අනුව නව බදු ප්රතිපත්තිය හේතුවෙන් වෘත්තිකයන් රටහැර යාමේ ප්රවණතාව ඉදිරියේදී තවත් ඉහළ යනු ඇති බවයි එම සංගමයේ ප්රධාන ලේකම් වෛද්ය ජයන්ත බණ්ඩාර සඳහන් කළේ.
මීට පෙර පැවති බදු ප්රතිපත්තිය සඳහා එකඟවන නමුත් නව බදු ප්රතිපත්තිය හරහා එතරම් විශාල බදු ප්රමාණයක් වෘත්තිකයන්ට දරා ගැනීමට නොහැකි බවත් මෙම බදු ප්රතිපත්තිය නිසා වෘත්තිකයන් රටහැර යාමේ ප්රවණතාව හේතුවෙන් එය ලංකාවේ සංවර්ධනයට බලපෑමක් එල්ලකරනු ඇති බවයි වෛද්ය ජයන්ත බණ්ඩාර සඳහන් කළේ.
මෙම අසාධාරණ බදු ප්රතිපත්තිය ඉවත් කර ගන්නා ලෙස ආණ්ඩුවෙන් ඉල්ලා සිටින බවත් ඒ වෙනුවෙන් සිදුකරන සටන ඉදිරියටම සිදුකරන බවයි ඔහු වැඩිදුරටත් සඳහන් කළේ.
