උණවටුන ප්රදේශයේ ආයුර්වේද සම්බාහන මධ්යස්ථානයකදී ඔස්ට්රේලියානු ජාතික කාන්තාවකට අතවර කළ බව කියන සැකකරුවෙකු උණවටුන සංචාරක පොලීසිය විසින් අද (12) අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ 38 හැවිරිදි අදාළ සම්බාහන ආයතනයේ සේවය කරන අයෙකි.
පසුගිය 06 වැනි දින උණවටුනේ පිහිටි සම්බාහන මධ්යස්ථානයකදී සැකකරු විසින් ප්රතිකාර කරන මුවාවෙන් මෙම අතවරය සිදුකර තිබේ.
සිද්ධිය සම්බන්ධයෙන් අද දින සංචාරක පොලිස් කොට්ඨාසයට ලද පැමිණිල්ලක් මත උණවටුන සංචාරක පොලිස් කාර්යාංශය විසින් සිදුකළ විමර්ශනයකට අනුව සැකකරු පොලීසිය විසින් අත්අඩංගුවට ගෙන ඇත.
සැකකරු ගාල්ල මහේස්ත්රාත් අධිකරණයට ඉදිරිපත් කිරීමට නියමිතය.
