ලබන වසරේ සිට පාසල් විභාග නියමිත කාලයේම පැවැත්වීමට කටයුතු කරනවා – අධ්‍යාපන ඇමති

ලබන වසරේදී නියමිත කාලයට සාමාන්‍ය පෙළ, උසස් පෙළ සහ පහ වසර ශිෂ්‍යත්ව විභාග පැවැත්වීමට කටයුතු කරන බව අධ්‍යාපන අමාත්‍ය ආචාර්ය සුසිල් ප්‍රේමජයන්ත් පවසනවා.
පසුගිය කාලය තුළ රටේ පැවති අර්බුද තත්ත්වයන් හේතුවෙන් විභාග පැවැත්වීමේ කාල වකවානු සංශෝධනය කිරීමට සිදුවු බවයි අමාත්‍යවරයා පෙන්වා දෙන්නේ.
සිරිමාවෝ බණ්ඩාරනායක විද්‍යාලයේ පැවති උත්සවයකට එක්වෙමින් අධ්‍යාපන අමාත්‍ය සුසිල් ප්‍රේමජයන්ත් වැඩි දුරටත් සඳහන් කළේ, මේ සඳහා ගුරුවරුන්ගේද සහයෝගය අවශ්‍ය බවයි.