හෙට සිට විදුලි ගාස්තු 14% කින් අඩු කෙරේ

හෙට (01) සිට ක්‍රියාත්මක වන පරිදි 14.2% විදුලි ගාස්තු අඩුකිරීම සදහා ශ්‍රී ලංකා මහජන උපයෝගිතා‌ කොමිෂන් සභාව තීරණය කර තිබෙනවා.

ඒ අනුව ගෘහස්ත අංශයේ 0ත් 30 අතර මාසික පරිභෝජනයක් ඇති කාණ්ඩයට 65% ක ගාස්තු අඩුවීමක් සිදුවන අතර ඒකකය රුපියල් 30 සිට රුපියල් 10 දක්වා අඩුවන අතර මාසික ගාස්තු රුපියල් 400 සිට 150 දක්වා අඩු කර තිබෙනවා.

ඒකක 60 ට අඩු කාණ්ඩයේ ඒ්කක  ගාස්තුව රුපියල් 42 සිට 32 දක්වා අඩුකෙරෙන අතර මාසික ගාස්තු රුපියල් 650 සිට 300 දක්වා අඩු කිරීමටද තීරණය කර ඇති බවයි සඳහන් වන්නේ.

ඒකක 91ත් 120ත් කාණ්ඩය සදහා ඒකකය රුපියල් 42 සිට රුපියල් 35 දක්වා අඩු කෙරෙන අතර මාසික ගාස්තුව රුපියල් 1500 සිට 1000 දක්වා අඩු කිරීමටද තීරණය කර තිබෙනවා.

මේ අතර ආගමික ස්ථාන සදහා සියයට 16ක ගාස්තු අඩුවීමක් සිදුවන බවයි මහජන උපයෝගීතා කොමිසම වැඩිදුරටත් සඳහන් කරන්නේ.