පහරදීමකින් බරපතළ තුවාල ලබා ප්‍රතිකාර ලබමින් සිටිය දී මියගිය හඟුරන්කෙත තරුණයාගේ ඝාතනය සම්බන්ධයෙන් සැකකරුවන් 8 දෙනෙක් පොලීසියට භාරවී තිබෙනවා.
ඒ අනුව එම පිරිස මහනුවර පොලීසියට භාරවීමෙන් අනතුරුව අත්අඩංගුවට ගත් බවයි පොලිස් මාධ්‍ය ප්‍රකාශක, ජ්‍යෙෂ්ඨ පොලිස් අධිකාරී නිහාල් තල්දුව සඳහන් කළේ.
මුහුණට මිරිස් කුඩු ගසා, හිසට මිටියකින් පහරදී බරපතළ තුවාල ලබා රෝහල්ගතව සිට මියගිය තරුණයාගේ ඝාතනය සම්බන්ධයෙන් සැකකරුවන් අත්අඩංගුවට නොගැනීමට විරෝධය පා හඟුරන්කෙත පොලීසියට ගම්වාසීන්ගෙන් දැඩි විරෝධයක් එල්ලවී තිබුණා.
ඊයේ (26) රාත්‍රියේ එම පිරිස කලහාකාරීව හැසිරීම හේතුවෙන් තත්ත්වය පාලනයට පොලීසිය විසින් අහසට වෙඩි ප්‍රහාර 38 ක් පමණ තබා තිබුණා.
