ශ්‍රී ලංකාවේ ටෙස්ට් ප්‍රධාන දඟ පන්දු යවන්නා වන ප්‍රභාත් ජයසූරිය සිය ජාත්‍යන්තර ටෙස්ට් ක්‍රිකට් දිවියේ 50 වෙනි කඩුල්ල බිඳ දැමීමට අද (28) සමත් වුණා.
ඒ මේ වන විට ගාල්ල ජාත්‍යන්තර ක්‍රිකට් ක්‍රීඩාංගණයේ දී පැවැත්වෙන අයර්ලන්තය සමඟ දෙවන ටෙස්ට් ක්‍රිකට් තරඟය අතරතුරයි.
ප්‍රභාත් ජයසූරියට කඩුළු 50 ලබාගැනීම සඳහා තරග 07ක් වැය වූ අතර එම කඩුළු 50 සඳහා කඩුළු පහේ අවස්ථාව 06ක් සහ කඩුළු 10 අවස්ථාවන් 02ක් ද ඇතුළත් වනවා.
ජාත්‍යන්තර ටෙස්ට් ක්‍රිකට් ඉතිහාසය තුළ දඟපන්දු යවන ක්‍රීඩකයින් අතරින් කඩුළු 50 අවස්ථාව වේගයෙන්ම ලබාගත් පන්දු යවන්නා ලෙසද ප්‍රභාත් ජයසූරිය ක්‍රිකට් වාර්තා අතරට එකතු වුණා.
