IMF මූල්‍ය සහනය පොලී අනුපාත පහත හෙලීමට උපකාරී වේවි – මහ බැංකු අධිපති

ජාත්‍යන්තර මූල්‍ය අරමුදල විසින් ශ්‍රී ලංකාව සඳහා මූල්‍ය සහනය අනුමත කිරීම පොලී අනුපාත පහත හෙලීමට සහ දේශීය පොලී අනුපාත මත පීඩනය තවදුරටත් ලිහිල් කිරීමට උපකාරී වනු ඇති බව මහ බැංකු අධිපති ආචාර්ය නන්දලාල් වීරසිංහ පවසනවා.

ඒ අනුව මේ තුළින් රජයට දේශීය වෙළෙඳපොළෙන් ණය ගැනීමේ අවශ්‍යතාව ලිහිල් වනු ඇති බවයි බ්ලූම්බර්ග් වෙබ් අඩවිය අදහස් දක්වමින් මහ බැංකු අධිපතිවරයා සඳහන් කර ඇත්තේ.

දැනට 50% සීමාවේ පවතින උද්ධමනය 2023 අවසාන භාගය වනවිට තනි ඉලක්කමක් දක්වා අඩුකිරීමට හැකිවනු ඇති බවයි මහ බැංකු අධිපතිවරයා වැඩිදුරටත් ප්‍රකාශ කර තිබෙන්නේ.