දිවයිනේ සියලුම ජාතික පාසල්වල දස අවුරුදු සහ වාර්ෂික ගුරු ස්ථාන මාරුවීම් දැනට ලබා දී ඇති නිර්දේශ අනුව අප්‍රේල් 17 වනදා සිට ක්‍රියාත්මක බව අධ්‍යාපන අමාත්‍යාංශය පවසනවා.
විශේෂ අභියාචනාවන්ට යටත් ගුරුවරුන්ගේ හැර අනෙකුත් ස්ථාන මාරු මෙලෙස ක්‍රියාත්මක වන බවයි නිවේදනයක් නිකුත් කරමින් අධ්‍යාපන අමාත්‍යංශය සඳහන් කරන්නේ.
සාමාන්‍ය පෙළ සහ උසස් පෙළ පන්තිවල ඉගැන්වීම් සිදුකරන ගුරුවරුන්ගේ ස්ථාන මාරු හේතුවෙන් දරුවන්ට යම් අගතියක් වන්නේ නම් ඒ සම්බන්ධයෙන් විදුහල්පති මගින් ඉදිරිපත් කරන අභියාචනා, විශේෂ අභියාචනා කමිටුවකින් නැවත සළකා බලන බවයි එහි වැඩිදුරටත් දැක්වෙන්නේ.
