පාර්ලිමේන්තු මන්ත්‍රීවරුන්ගේ සහ පාර්ලිමේන්තු වරප්‍රසාද කඩවීම සම්බන්ධයෙන් විමර්ශනය කිරීම හා සුදුසු නිර්දේශ ඉදිරිපත් කිරීමට පත්කළ පාර්ලිමේන්තු විශේෂ කාරක සභාවේ නිර්දේශ නීතිපතිවරයා වෙත යොමු කිරීමේ යෝජනාව වැඩි ඡන්දයෙන් අද (21) පාර්ලිමේන්තුවේදී සම්මත වී තිබෙනවා.
මෙම යෝජනාව අද පාර්ලිමේන්තුවේදී ආණ්ඩු පක්ෂය විසින් සම්මත කිරීමට සූදානම් වූ අවස්ථාවේදී විපක්ෂය විසින් ඒ සඳහා ඡන්දයක් ඉල්ලා සිට තිබෙනවා.
එහිදී යෝජනාවට පක්ෂව ඡන්ද 75 ක් හා විපක්ෂව ලැබී තිබුණේ ඡන්ද 43 ක් වන අතර ඒ අනුව අදාළ යෝජනාව වැඩි ඡන්ද 32 කින් පාර්ලිමේන්තුවේදී සම්මත වී තිබෙනවා.
