ලංකාවට ලබාදීමට නියමිත ණය IMF විධායක කමිටුව මඟින් අනුමත කිරීම අද

මෙරටට ලබාදෙන විස්තීරණ ණය පහසුකම සඳහා වු ජාත්‍යන්තර මුල්‍ය අරමුදලේ විධායක කමිටු අනුමැතිය අද (20) දිනයේ ප්‍රකාශයට පත් කිරීමට නියමිතව තිබෙනවා.

මෙරට වේලාවෙන් අද රාත්‍රියේ ජාත්‍යන්තර මුල්‍ය අරමුදලේ විධායක කමිටුව රැස්වීමට නියමිත බවයි මුදල් රාජ්‍ය අමාත්‍යංශය සඳහන් කළේ.

එම කමිටු රැස්වීමෙන් අනතුරුව ජාත්‍යන්තර මුල්‍ය අරමුදලේ විධායක කමිටුව විශේෂ මාධ්‍ය සාකච්ඡාවක් හරහා අදාළ තීරණය ප්‍රකාශයට පත් කිරීමට නියමිත බව සඳහන් වන්නේ.

එම මාධ්‍ය සාකච්ඡාව හෙට (21) උදෑසන පැවැත්වෙනු ඇති බවයි සඳහන් වන්නේ.