සංචාරක ශ්‍රී ලංකා කණ්ඩායම සහ නවසීලන්ත කණ්ඩායම අතර දෙවන ටෙස්ට් ක්‍රිකට් තරගයේ සිව්වන දිනය අදයි.
මේ වන විට තම දෙවන ඉනිම සඳහා පන්දුවට පහරදෙන ශ්‍රී ලංකා කණ්ඩායම කඩුලු 5 ක් දැවී ලකුණු 283 ක් ලබා සිටිනවා.
ඒ අනුව ශ්‍රී ලංකා කණ්ඩායම නවසීලන්ත පළමු ඉනිමට වඩා තවත් ලකුණු 133 ක් පිටුපසින් පසුවනවා.
ශ්‍රී ලංකා කණ්ඩායම වෙනුවෙන් දිමුත් කරුණාරත්න ලකුණු 51 යි, කුසල් මෙන්ඩිස් ලකුණු 50 යි, ඇන්ජලෝ මැතිව්ස් ලකුණු 2, දිනේෂ් චන්දිමාල් ලකුණු 62 ක් ලබාගත් අතර නොදැවී පන්දුවට පහර දෙන ධනංජය ද සිල්වා ලකුණු 78 ක් හා නිෂාන් මදුෂ්ක ලකුණු 25 ක් ලබා සිටිනවා.
