ගාල්ල බන්ධනාගාරයේ කාන්තා රැඳවියන් රඳවා සිටින අංශයේ තිබී මිලි මීටර් 9 වර්ගයේ ජීව උණ්ඩ පහක් (05) අද (07) දහවල් සොයාගෙන ඇතැයි බන්ධනාගාර අධිකාරී කාර්යාලය පවසනවා.
බන්ධනාගාර අභ්යන්තරයේ සිදු කළ විශේෂ සෝදිසි මෙහෙයුමකදී බන්ධනාගාර නිලධාරීන් කණ්ඩායමකට මෙම ජීව උණ්ඩ තොගය හමු වී තිබෙනවා.
අදාළ කාන්තා සිරමැදිරි අංශයේ සිදු කළ පරීක්ෂාවේදී අයිතිකරුවෙකු නොමැතිව සඟවා තිබියදී මෙම උණ්ඩ සොයාගත් බවයි බන්ධනාගාර අධිකාරි කාර්යාලය පැවසුවේ.
අදාල ජීව උණ්ඩ මේ වන විට බන්ධනාගාර අධිකාරිවරයාගේ භාරයට ගෙන තිබෙනවා.
මෙම උණ්ඩ තොගය ඉතා දැඩි ආරක්ෂාවක් සහිත කාන්තා රැඳවියන් රඳවා සිටින අංශයකට ලැබුණේ කෙසේද සහ ඒවායේ අයිතිකරු කවුරුන්ද යන්න පිළිබඳව බන්ධනාගාර බුද්ධි අංශ සහ නිලධාරීන් විසින් පුළුල් විමර්ශනයක් ආරම්භ කර තිබෙනවා.
