සමලිංගික සබඳතා අපරාධයක් නොවන බවට වන පනත් කෙටුම්පත ඉක්මනින් සම්මත වෙයි කියලා බලාපොරොත්තු වෙනවා – මානව හිමිකම් පිළිබඳ මහ කොමසාරිස්

volter-tuker

ත්‍රස්තවාදය වැළැක්වීමේ පනත ක්‍රියාත්මක කිරීම අහෝසි කරන ලෙස තමන් රජයෙන් ඉල්ලීමක් කළ බව මෙරටට පැමිණි එක්සත් ජාතීන්ගේ මානව හිමිකම් පිළිබඳ මහ කොමසාරිස් වොල්කර් ටර්ක් පවසනවා.

ඒ අනුව, රජය සමග මෙම පනත සම්බන්ධයෙන් සාකච්ඡා කළ බවත්, ත්‍රස්තවාදය වැළැක්වීමේ පනත යටතේ දිගු කාලීනව රඳවාගෙන සිටින රැඳවියන් සහ සිරකරුවන් නිදහස් කරන ලෙසට සිය සංචාරය අතරතුර රජයෙන් ඉල්ලා සිටි බවයි මෙරට සංචාරය අවසන් කරමින් ඊයේ (26) පස්වරුවේ විශේෂ ප්‍රවෘත්ති සාකච්ඡාවකට එක්වෙමින් ඔහු සඳහන් කළේ.

එසේම සමලිංගික සබඳතා අපරාධයක් නොවන බවට යෝජනා කර පවතින පනත් කෙටුම්පත ද ඉතා ඉක්මනින් සම්මත වනු ඇති බවට බලාපොරොත්තු වන බවත්, මාර්ගගත ක්‍රමවල සුරක්ෂිතතාව පිළිබද පනත අවලංගු කළ යුතු බවයි එක්සත් ජාතීන්ගේ මානව හිමිකම් පිළිබඳ මහ කොමසාරිස් වොල්කර් ටර්ක් එහිදී වැඩිදුරටත් සඳහන් කර සිටියේ.