අර්ජුන් ඇලෝසියස්ට එරෙහි නඩුවක් එළඹෙන ජූලි මස 23 වැනිදා කැඳවීමට අධිකරණය විසින් නියෝග කර තිබෙනවා.
නොච්චියාගම පී.ඩී.ජී. ඇග්‍රි බිස්නස් සමාගමෙන්, කැබලි කරන ලද බඩඉරිඟු කිලෝ විශාල ප්‍රමාණයක් ලබාගෙන, ඊට අදාළ මුදල් නොගෙවා, රුපියල් පන් කෝටි විසි නව ලක්ෂයක (52,900,000) මුදලක් වංචා කර, සාපරාධී විශ්වාසය කඩ කිරීම සම්බන්ධයෙන් ඔහුට එරෙහිව චෝදනා එල්ල වී ඇති බවයි සඳහන් වෙන්නේ.
ඊට අදාළ විමර්ශනයන්හි ප්‍රගතිය දන්වන ලෙස අනුරාධපුර ප්‍රධාන මහේස්ත්‍රාත් සහ අතිරේක දිසා විනිසුරු නාලක සංජීව ජයසූරිය විසින් අපරාධ පරීක්ෂණ දෙපාර්තමේන්තුවට නියෝගයක්ද නිකුත් කර ඇති බවයි සඳහන් වෙන්නේ.
එසේම අදාළ නඩුව කැඳවීමට නියමිත ලබන ජූලි 23 දින සැකකාර අර්ජුන් ඇලෝසියස් හට යළිත් අනුරාධපුර ප්‍රධාන මහේස්ත්‍රාත් අධිකරණය හමුවේ පෙනී සිටින ලෙසද නියෝග කර ඇති බවයි වැඩිදුරටත් සඳහන් වෙන්නේ.
