ජර්මානු ෆෙඩරල් ජනරජයේ නිල සංචාරයක නිරත ජනාධිපති අනුර කුමාර දිසානායක ජර්මානු ජනාධිපති Frank-Walter Steinmeier විසින් අද (11) උණුසුම් අයුරින් පිළිගෙන තිබෙනවා.
Bellevue Palace වෙත පැමිණි ජනාධිපති අනුර කුමාර දිසානායක ජර්මානු ත්‍රිවිධ හමුදා උත්තමාචාර සහිතව පිළිගනු ලැබූ අතර, ජනාධිපතිවරයා ත්‍රිවිධ හමුදා පෙළපාලිය නිරීක්ෂණය සඳහාද එක්වී ඇති බවයි ජනාධිපති මාධ්‍ය අංශය සඳහන් කළේ.
නිල පිළිගැනීමේ උත්සවයෙන් අනතුරුව ජනාධිපති අනුර කුමාර දිසානායක සහ ජර්මානු ජනාධිපති Frank-Walter Steinmeier ද්වීපාර්ශ්වික සාකච්ඡා පවත්වා ඇති බවයි වැඩිදුරටත් සඳහන් වෙන්නේ.
