පළාත් පාලන මැතිවරණයේදී ජාතික ජන බලවේගයට ආයතන 266 ක ජයග්‍රහණය ලබාදෙන්නේ, ජනතාව සිය පක්ෂ‍ය කෙරෙහි දක්වා ඇති විශ්වාසය මත බව ජාතික ජන බලවේගයේ පාර්ලිමේන්තු මන්ත්‍රී දේවානන්ද සුරවීර පවසනවා.
ඒ අනුව පරාජිත කණ්ඩායම් විවිධ වූ ‘සද්ද’ දැමූවද, තමන්ගේ පළාත් පාලන ආයතනය සංවර්ධනය කළ යුතු යැයි සිතන පිරිස ජාතික ජන බලවේගය සමග එක්වනු ඇති බවයි මාධ්‍ය වෙත අදහස් දක්වමින් මන්ත්‍රීවරයා සඳහන් කළේ.
ඡන්දය ලබා නොදුන් ජනතාවගේ පවා ඇසට කඳුලක් එන තරමටම රට සෑදීමට කටයුතු කරන බවද ඔහු පවසා සිටියා.
කොළඹ මහ නගර සභාවේ බලය පිහිටුවීමට කටයුතු කරන බවත්, ව්‍රායි කැලී බල්තසාර් එහි නගරාධිපතිනිය වනු ඇති බවයි පාර්ලිමේන්තු මන්ත්‍රී දේවානන්ද සුරවීර වැඩිදුරටත් ප්‍රකාශ කර සිටියේ.
