හමුදාමය සංයමයකින් කටයුතු කරන ලෙසට ඉන්දියාව සහ පාකිස්තානයෙන් ඉල්ලා සිටින බව එක්සත් ජාතීන්ගේ සංගමයේ මහ ලේකම් ඇන්ටෝනියෝ ගුටරෙස් පවසනවා.
ඉන්දියාව සහ පකිස්ථානය අතර හමුදා ගැටුමක් ලෝකයට දරාගත නොහැකි බවයි ඔහු වැඩිදුරටත් සඳහන් කර තිබෙන්නේ.
හමුදාමය ආකාරයෙන් විසඳුමක් ලබාගත නොහැකි බවද, ආතතීන් සමනය කිරීමට සහ රාජ්‍ය තාන්ත්‍රිකභාවය ප්‍රවර්ධනය කිරීමට කටයුතු කළ යුතු බවද මහ ලේකම්වරයා පෙන්වා දෙනවා.
පහල්ගම් සිද්ධියට සිවිල් වැසියන් ඉලක්ක කර ගැනීම පිළිගත නොහැකි බවත්, එයට වගකිව යුත්තන් වලංගු සහ නීත්‍යානුකූල ක්‍රම මගින් නීතිය හමුවට පමුණුවා ගත යුතු බවයි එක්සත් ජාතීන්ගේ සංගමයේ මහ ලේකම් ඇන්ටෝනියෝ ගුටරෙස් වැඩිදුරටත් පවසා සිටින්නේ.
