ඉන්දියාවේ දකුණු කාශ්මීරයේ පහල්ගම් හි ජනප්‍රිය සංචාරක ප්‍රදේශයක සිදුකළ වෙඩි තැබීමට සම්බන්ධ සැකකරුවන් 19 දෙනෙකු අත්අඩංගුවට ගෙන ඇති බව ඉන්දීය මාධ්‍ය වාර්තා කර තිබෙනවා.
ඒ අනුව ඇසෑම්, මේඝාලය සහ ත්‍රිපුර යන ප්‍රාන්තවල මෙම අත්අඩංගුවට ගැනීම් සිදුව ඇති අතර අත්අඩංගුවට පත් වූවන් අතර අතර මන්ත්‍රීවරයෙකු, මාධ්‍යවේදියෙකු, සිසුන්, නීතිඥයෙකු සහ විශ්‍රාමික ගුරුවරුන් ඇතුළත් බවයි එම මාධ්‍ය වාර්තා සඳහන් කරන්නේ.
දකුණු කාෂ්මීරයේ සිදුවූ එම වෙඩි තැබීමෙන් පුද්ගලයින් 26 දෙනෙකු මියගොස් තවත් පුද්ගලයින් රැසකට තුවාල සිදුව තිබූ අතර මෙම ප්‍රහාරය ඉන්දියාව සහ පාකිස්ථානය අතර අර්බුදකාරී වාතාවරණයක් ඇති කිරීමට හේතුවී තිබුණා.
