‘සිරි දළදා වන්දනාව’ අද (26) 09 වැනි දිනටත් පැවැත්වෙනවා.
ඒ අනුව අදත් පෙරවරු 11.00ට ආරම්භ වන සිරි දළදා වන්දනාව පස්වරු 5.30 දක්වා පැවැත්වීමට නියමිතයි.
සිරි දළදා වන්දනාව වෙනුවෙන් විශාල සැහැදැවතුන් පිරිසක් මහනුවරට එක්රොක් වී සිටින බැවින්, නැවත දැනුම්දෙන තුරු මහනුවර නගරයට පැමිණීමෙන් වළකින ලෙස මහනුවර දිස්ත්‍රික් ලේකම් ඉන්දික උඩවත්ත ඉල්ලීමක් කර තිබුණා.
එසේම, පෙර සැලසුම් කළ පරිදි ‘සිරි දළදා වන්දනාව’ හෙට දිනයෙන් අවසන් කිරීමට තීරණය කළ බවයි ඊයේ (25) පස්වරුවේ විශේෂ ප්‍රකාශයක් සිදුකරමින් දියවඩන නිලමේ ප්‍රදීප් නිලංග දෑල පවසා සිටියේ.
