රාජ්‍ය සංචාරය නිම කරමින් අගමැති නරේන්ද්‍ර මෝදි දිවයිනෙන් පිටත්ව යයි

දෙදින නිල රාජ්‍ය සංචාරය නිම කරමින් ඉන්දීය අග්‍රමාත්‍ය නරේන්ද්‍ර මෝදි දිවයිනෙන් පිටත්ව ගොස් තිබෙනවා.

ඒ අනුව පසුගිය 4 වනදා රාත්‍රීයේ දිවයිනට පැමිණි ඉන්දීය අග්‍රමාත්‍යවරයා ජනාධිපති අනුර කුමාර දිසානායක සමඟ ද්වී පාර්ශවික සාකච්ඡා පැවැත්වූ අතර දෙරටට වැදගත් වන ගිවිසුම් කිහිපයකටද අත්සන් තැබීම සිදු වුණා.

එසේම විපක්ෂ නායක සජිත් ප්‍රේමදාස, දෙමළ පක්ෂ නායකයින් සමඟද ඉන්දීය අගමැතිවරයා සාකච්ඡා පැවැත්වීම සිදු කර තිබුණා.

අනතුරුව අද පෙරවරුවේ අනුරාධපුරයට පැමිණි ඉන්දීය අගමැතිවරයා ශ්‍රී මහා බෝධිය වැඳපුදාගැනීමෙන් අනතුරුව අනුරාධපුර දුම්රිය ස්ථානයේ දුම්රිය සංඥා පද්ධතිය විවෘත කිරීමේ අවස්ථාවටද එක්වී තිබෙනවා.