තමා අවුරුදු 43ක් පුරා කලාවෙන් දිනාගත් දේ දේශපාලනය නිසා අවුරුදු දෙකහමාරක් තුළ නැතිව ගිය බව රංගන ශිල්පිනී දමිතා අබේරත්න පවසනවා.
ඒ අනුව, තමා මේ විට දේශපාලනයෙන් සම්පූර්ණයෙන් ඉවත් වී ඇති බවත්, මිනිසුන්ට සේවය කිරීමට දේශපාලනය කිරීමටම අවශ්‍යතාවක් නොමැති බවයි අද (19) මාධ්‍ය වෙත අදහස් දක්වමින් ඇය සඳහන් කළේ.
තමා මිනිසුන් වෙනුවෙන් පෙනී සිටීම සඳහා පාරට බැසීමට ඕනෑම අවස්ථාවක සූදානම් බවත්, පක්ෂ වෙනුවෙන් යළිත් ඉදිරිපත් නොවන බවත්, ඉගෙනගත් පාඩම හොඳටම ප්‍රමාණවත් බවයි රංගන ශිල්පිනී දමිතා අබේරත්න වැඩිදුරටත් ප්‍රකාශ කර සිටියේ.
