නීතිවිරෝධී දුම්වැටි තොගයක් මෙරට​ට ගෙනා සැකකරුවන් 04 ක් අත්අඩංගුවට

විදේශීය නිෂ්පාදිත දුම්වැටි තොගයක් නීතිවිරෝධී ලෙස මෙරටට රැගෙන ආ ගුවන් මගීන් සිව් දෙනෙකු ඊයේ (17) දින ගුවන් තොටුපොළ පොලිස් මත්ද්‍රව්‍ය කාර්යාංශයේ නිලධාරීන් පිරිසක් විසින් අත්අඩංගුවට ගෙන තිබෙනවා.

අදාළ දුම්වැටි තොගයේ වටිනාකම රුපියල් එක් කෝටි පනස් එක් ලක්ෂ පනස් දහසක් බවයි පොලීසිය සඳහන් කළේ.

මෙලෙස අත්අඩංගුවට ගෙන් ඇත්තේ 23, 35, 48 හා 51 හැවිරිදි විවිධ ප්‍රදේශවල පදිංචිකරුවන් බවයි පොලීසිය ප්‍රකාශ කළේ.

ඔවුන් සිය ගමන් මලු තුළ සඟවා විදේශීය නිෂ්පාදිත දුම්වැටි 101,000 ක් අඩංගු දුම්වැටි කාටූන් 505 ක් නීතිවිරෝධී ලෙස මෙරටට රැගෙන විත් ඇති බවයි වැඩිදුරටත් සඳහන් වෙන්නේ.