ජනවාරි 25 වනදා වන විට පාර්ලිමේන්තුවේ විශ්‍රාම වැටුප් ලබාගන්නා මන්ත්‍රීවරුන් 330 ක් සිටින බව ජාතික ජන බලවේගයේ පාර්ලිමේන්තු මන්ත්‍රී ගාමිණී රත්නායක පවසනවා.
එසේම මන්ත්‍රීවරුන්ගේ විශ්‍රාම වැටුප ගෙවන කාලත්‍රයන් 182 ක් සිටින බවත් ඒ අනුව මන්ත්‍රීවරුන් හා කාලත්‍රයන් 500 කට වැඩි පිරිසකට පාර්ලිමේන්තුවේ ගිණුම් අංශයෙන් විශ්‍රාම වැටුප් ගෙවන බවයි අද (07) පාර්ලිමේන්තුවේදී අදහස් දක්වමින් මන්ත්‍රීවරයා සඳහන් කළේ.
ඒ අනුව විශ්‍රාමික පාර්ලිමේන්තු මන්ත්‍රීවරුන් වෙනුවෙන් මාසිකව දෙකෝටි තිස්පන්ලක්ෂ හතලිස් එක්දහස් හයසිය හතලිස් පහක මුදලක් විශ්‍රාම වැටුප් ලෙස ගෙවන බවත් කාලත්‍රයන් සඳහා එක්කෝටි දසලක්ෂ විසිපන්දහස් දෙසිය දහසයක මුදලක්ද, යැපෙන්නන් සඳහා 420,121 මුදලක්ද පාර්ලිමේන්තුවේ ගිණුම් අංශයෙන් ගෙවන බවයි මන්ත්‍රීවරයා වැඩිදුරටත් ප්‍රකාශ කළේ.
