පොලිස් ස්ථාන වෙත පැමිණිලි ඉදිරිපත් කිරීමට පැමිණෙන පාර්ශවයන්ගේ පැමිණිලි බාර නොගෙන ප්රතික්ෂේප කරන නිලධාරීන්ට එරෙහිව විනය ක්රියාමාර්ග ගන්නා බව වැඩබලන පොලිස්පති ප්රියන්ත වීරසූරිය පවසනවා.
ඒ අනුව විනය ක්රියාමාර්ගවලට අමතරව පොලිස් ආඥා පනතේ ප්රතිපාදන අනුව එවැනි නිලධාරීන්ට එරෙහිව අධිකරණ ක්රියාමාර්ග ගැනීමට ද හැකියාව පවතින බවයි චක්රලේඛයක් නිකුත් කරමින් වැඩබලන පොලිස්පතිවරයා සඳහන් කරන්නේ.
පොලිස් ස්ථාන වෙත පැමිණිලි ඉදිරිපත් කිරීම සඳහා පැමිණෙන පාර්ශවයන්ගේ පැමිණිලි වාර්තා නොකර නොයෙකුත් කරුණු ඉදිරිපත් කරමින් එකී පැමිණිලි ප්රතික්ෂේප කරනු ලබන බවට තමා වෙත ලිඛිතව සහ වාචිකව පැමිණිලි ලැබී ඇති බවයි වැඩබලන පොලිස්පතිවරයා සඳහන් කළේ.
පොලිස් ස්ථාන වෙත වාර්තා වන පැමිණිලි සටහන් කිරිම සහ විමර්ශනය කිරීම පොලිස් නිලධාරීන්ගේ යුතුකමක් හා වගකීමක් වන බව ද වැඩබලන පොලිස්පති ප්රියන්ත වීරසූරිය වැඩිදුරටත් සඳහන් කර තිබෙන්නේ.