ජනාධිපති ලේකම් ආචාර්ය නන්දික සනත් කුමානායක සහ බෞද්ධාලෝක වෙසක් කමිටුවේ සාමාජිකයන් අතර හමුවක් ඊයේ (31) පස්වරුවේ ජනාධිපති කාර්යාලයේදී පැවැත්වුණා.
වෙසක් උත්සවය නිමිත්තෙන් මෙවර 24 වැනි වරටත් සංවිධානය කරනු ලබන බෞද්ධාලෝක වෙසක් කලාපය උත්කර්ෂවත් අන්දමින් පැවැත්වීමට රාජ්‍ය අනුග්‍රහය ලබා ගැනීම පිළිබඳව සහ ඊට අදාළ පෙර සූදානම සම්බන්ධව මෙහිදී සාකච්ඡා කෙරුණු බවයි සඳහන් වන්නේ.
මේ අනුව බෞද්ධාලෝක වෙසක් කලාපය සාර්ථකව පැවැත්වීමට ජනාධිපති කාර්යාලය ඇතුළු රාජ්‍ය ආයතනවල දායකත්වය ලබාදීමට අවශ්‍ය මැදිහත්වීම සිදුකරන බව ජනාධිපති ලේකම්වරයා එහිදී සඳහන් කර තිබෙනවා.
