මහින්ද රට බංකොලොත් වුන වෙලාවේ තමයි මිලියන හත් අටසීයක් වියදම් කරලා ඔය ගෙදර හැදුවේ – එස්.බී දිසානායක

හිටපු ජනාධිපති මහින්ද රාජපක්ෂගේ නිල නිවස දේශපාලන කටයුතුවලට ඔහු විසින් සකස් කරගත් බව හිටපු පාර්ලිමේන්තු මන්ත්‍රී එස්.බී දිසානායක පවසනවා.

එම නිවස මිලියන 700 ක් 800 ක් වියදම් කර සෑදුවේ රට ආර්ථික වශයෙන් බංකොලොත් වූ කාලයේදී බවත් ඒවා එතරම් හොඳ වැඩ නොවන බවයි අද (30) මාධ්‍ය වෙත අදහස් දක්වමින් හිටපු මන්ත්‍රීවරයා සඳහන් කලේ.

ඔහුට නිවසක් අවශ්‍ය බවත් හිටපු ජනාධිපති මහින්ද රාජපක්ෂගේ ආරක්ෂාව සම්බන්ධයෙන්ද ආණ්ඩුව අවධානය යොමු කළ යුතු බවද ඔහු ප්‍රකාශ කළා.

පසුගිය ආණ්ඩුවල මැති ඇමතිවරුන් හොරකම් සිදුකළා මෙන් වත්මන් ආණ්ඩුවේ මැති ඇමතිවරුන් හොකරම් සිදු නොකරනු ඇති බවට ලබාපොරොත්තු වන බවයි හිටපු පාර්ලිමේන්තු මන්ත්‍රී එස්.බී දිසානායක වැඩිදුරටත් ප්‍රකාශ කළේ.