නව පාසල් වාරය ආරම්භ වීමට පෙර සිසුන්ට පාසල් නිල ඇඳුම් ලබාදෙනවා – අධ්‍යාපන අමාත්‍යාංශය

නව පාසල් වාරය ආරම්භ වීමට පෙර සිසුන් අතට පාසල් නිල ඇඳුම් ලබාදීමට උපදෙස් දී ඇති බව අධ්‍යාපන අමාත්‍යාංශය පවසනවා.

ඒ අනුව, එම නිල ඇඳුම් කට්ටල කොට්ඨාස අධ්‍යාපන කාර්යාල හරහා පාසල් වෙත යොමු කරන බවයි එම අමාත්‍යාංශයේ ලේකම් නාලක කළුවැව සඳහන් කළේ.

2025 වර්ෂය සඳහා පාසල් නිල ඇඳුම් අවශ්‍යතාවය රෙදි මීටර් මිලියන 11,817ක් වන අතර, නිල ඇඳුම් ලබා දීමට නියමිත සිසුන් සංඛ්‍යාව 4,640,086ක් බවද අධ්‍යාපන අමාත්‍යාංශය පවසා සිටිනවා.

මෙවර පාසල් නිල ඇඳුම් සියල්ලම චීන රජයේ ප්‍රදානයක් ලෙස ලැබී තිබෙනවා.