සමස්ත පාසල් දරුවන්ට සහනයක් ලැබෙන පරිදි පාසල් උපකරණ සඳහා වන බද්ද අඩු කළ යුතු බව ලංකා ගුරු සංගමයේ ප්‍රධාන ලේකම් ජෝසප් ස්ටාලින් පවසනවා.
අස්වැසුම ලබන ප්‍රතිලාභීන්ට රුපියල් 6500 ක දීමනාවක් ලබාදීමට රජය යෝජනා කර ඇති බවයි අද (09) පැවති මාධ්‍ය හමුවකට එක්වෙමින් ඔහු සඳහන් කළේ.
කෙසේ නමුත් සිය යෝජනාව වන්නේ සියලුම පාසල් ළමුන්ට සහනයක් ලැබෙන පරිදි බදු අඩු කිරීමට කටයුතු කළ යුතු බව යැයිද ඔහු සඳහන් කළා.
අස්වැසුම ප්‍රතිලාභ ලබන පිරිසට පමණක් මෙම සහනය ලබාදීමට කටයුතු කළහොත්, සමස්ත පිරිසට එය නොලැබෙන බවයි ලංකා ගුරු සංගමයේ ප්‍රධාන ලේකම් ජෝසප් ස්ටාලින් වැඩිදුරටත් සඳහන් කළේ.
