දකුණු කොරියානු ජනාධිපති යූන් සුක් යෙයෝල් විසින් ඊයේ (03) සිය රට තුළ යුධ නීතිය ප්‍රකාශයට පත් කරන්නට කටයුතු කළා.
එයට විරෝධය දැක්වීම සඳහා අද අලුයම් කාලයේ රැස්වූ එරට පාර්ලිමේන්තුව විසින් හමුදා නීතියට එරෙහිව ඒකමතිකව සිය ඡන්දය ප්‍රකාශ කිරීමට කටයුතු කළ අතර, ඊට මන්ත්‍රීවරුන් 190 දෙනෙකු ඇතුළත් බවයි සඳහන් වන්නේ.
ඒ අනුව, එම තත්ත්වය තුළ ජනාධිපතිවරයාට සිය තීන්දුව හකුලා ගැනීමට සිදු වූ බවයි විදෙස් මාධ්‍ය පවසන්නේ.
මේ අතර, අද දහවල් එරට විපක්ෂය විසින් ජනාධිපතිවරයාට එරෙහි දෝෂාභියෝගයක් පාර්ලිමේන්තුවේ සභාගත කළ අතර, ඉදිරි පැය 72 තුළ අදාල යෝජනාව විවාදයට ගෙන, ඡන්ද විමසීමක් පැවැත්වෙනු ඇතැයි වැඩිදුරටත් වාර්තා වෙනවා.
