අධිකරණයට අපහාස කළේ යැයි චෝදනා කරමින් හිටපු පාර්ලිමේන්තු මන්ත්‍රීනී හිරුණිකා ප්‍රේමචන්ද්‍රට එරෙහිව ගොනුකර තිබූ පෙත්සමක විභාගය අවසන් කළ අභියාචනාධිකරණය, ඇයව එම චෝදනාවලින් නිදහස් කිරීමට අද (04) නියෝග කරනු ලැබුවා.
ගල්කිස්ස මහෙස්ත්‍රාත් අධිකරණය විසින් දුන් නියෝගයක් සම්බන්ධයෙන් තමන් ප්‍රවෘත්ති සාකච්ඡාවකදී සිදුකළ ප්‍රකාශය ඉල්ලා අස්කර ගන්නා බවත්, මින් ඉදිරියට එවැනි ප්‍රකාශ සිදු නොකරන බවටත් හිරුණිකා ප්‍රේමචන්ද්‍ර සිය නීතිඥවරයා මාර්ගයෙන් දැනුම්දීමෙන් පසුව මෙම නියෝගය නිකුත් කළ බවයි සඳහන් වන්නේ.
