අධික වැසි හේතුවෙන්, වගාබිම් අක්කර 390,000 ක් පමණ ජලයෙන් යටවී ඇති බව කෘෂිකාර්මික හා ගොවිජන රක්ෂණ මණ්ඩලය පවසනවා.
ජලයෙන් යටවූ වගාබිම් වල හානි තක්සේරු කිරීම හෙට (02) ආරම්භ කරන බවයි එහි සභාපති ප්‍රේමසිරි ජාසිංහආරච්චි සඳහන් කළේ.
පොළොන්නරුව දිස්ත්‍රික්කයෙන් එම කටයුතු ආරම්භ කරන බවත් වැඩිම වගාබිම් ප්‍රමාණයක් ජලයෙන් යටවී ඇත්තේ, අම්පාර සහ මඩකලපුව දිස්ත්‍රික්කවල බවයි ඔහු සඳහන් කළේ.
සමස්තයක් ලෙස උතුරු හා නැගෙනහිර පළාත්වල ගොවිබිම් රැසක් ජලයෙන් යටවී ඇති බව සභාපතිවරයා වැඩිදුරටත් සඳහන් කළා.
