ශ්‍රී ලංකා රජය සහ ආසියානු සංවර්ධන බැංකුව අතර 02 වැනි උප වැඩසටහන සඳහා ප්‍රතිපත්ති පාදක ණය ලබාදීමේ ණය ගිවිසුම අත්සන් කිරීම අද (27) සිදුකර තිබෙනවා.
ඒ අනුව මේ යටතේ අමෙරිකානු ඩොලර් මිලියන මිලියන 200 ක ණය මුදලක් ශ්‍රී ලංකාවට ලැබීමට නියමිත බවයි මුදල් අමාත්‍යංශය සඳහන් කළේ.
ශ්‍රී ලංකාවේ මූල්‍ය අංශයේ ස්ථාවරත්වය සහ ප්‍රතිසංස්කරණ වැඩසටහන ක්‍රියාත්මක කිරීම සඳහා උප වැඩසටහන් 02 ක් යටතේ ඇමෙරිකා ඩොලර් මිලියන 400ක ප්‍රතිපත්ති පදනම් කරගත් ණය මුදලක් ශ්‍රී ලංකාවට අනුමත වී තිබුණා.
පළමු උප වැඩසටහන සඳහා වන ඩොලර් මිලියන 200 ක ණය මුදල 2023 වසරේ දෙසැම්බර් මාසයේදී ලබාදී තිබූ බවයි වැඩිදුරටත් සඳහන් වෙන්නේ.
